ايماقتار • 18 اقپان، 2021

«Halyq monitoring» سايتى ىسكە قوسىلدى

19 رەت كورسەتىلدى

قىزىلورداداعى مەملەكەتتىك ساۋلەت-قۇرىلىس باقىلاۋ باسقارماسى ەلەكتروندى دەرەكتەر بازاسىن قۇرىپ، «Halyq monitoring» سايتى ىسكە قوسىلدى، دەپ حابارلايدى Egemen.kz

سايتقا بيۋدجەت قاراجاتىنا سالىناتىن نىساندار، قۇرىلىس-مونتاج جۇمىستارىنىڭ باستالۋ جانە اياقتالۋ مەرزىمدەرى، تاپسىرىس بەرۋشى، مەردىگەر مەكەمەلەر مەن اۆتورلىق جانە تەحنيكالىق قاداعالاۋدى جۇزەگە اسىراتىن ۇيىمدار، بولىنگەن قارجى مولشەرى تۋرالى مالىمەتتەر ەنگىزىلۋدە.

«بيىل سايتقا مەملەكەتتىك قاراجات ەسەبىنەن سالىنىپ جاتقان 35 نىسان ەنگىزىلدى. بۇل باعىتتاعى جۇمىستىڭ كولەمىن ۇلعايتۋ جانە قارقىنىن ارتتىرۋ ماقساتىندا مەملەكەتتىك ساتىپ الۋ راسىمدەرىنىڭ قورىتىندىسى بويىنشا جاڭادان سالىناتىن قۇرىلىس نىساندارىن ەنگىزۋ جوسپارلانىپ وتىر»،-دەدى وبلىستىق مەملەكەتتىك ساۋلەت-قۇرىلىس باقىلاۋى باسقارماسى باسشىسىنىڭ ورىنباسارى مارات مىرزابەكوۆ.

جىل كولەمىندە باسقارما تاراپىنان تۇرعىندارعا 1169 قىزمەت كورسەتىلدى. ونىڭ 500-ءى ساراپشىلىق قىزمەتكە اتتەستاتتاۋعا، 669-ى ليتسەنزيالاۋعا قاتىستى بولعان.

«وتكەن جىلى قۇرىلىس ساپاسىنا قاتىستى 172-ءى اكىمشىلىك ءىس قوزعالىپ، 49 ملن 622 مىڭ تەڭگە كولەمىندە ايىپپۇل سالىندى. سالىنعان اكىمشىلىك ايىپپۇلدىڭ 43 ملن 422 مىڭ تەڭگەسى بيۋدجەتكە ءوندىرىلدى. ال قالعانى ءوندىرۋ ساتىسىندا. انىقتالعان اقاۋلار مەن كەمشىلىكتەر دەر كەزىندە جويىلدى. ايتا كەتەتىن جايت، وبلىستاعى قۇرىلىستىڭ ساپاسى قاتاڭ باقىلاۋدا»، دەدى مارات سالقادين ۇلى.

بريفينگتە سالا ماماندارى بيىل 1964 پاتەرلىك 101 تۇرعىن ءۇيدى پايدالانۋعا بەرىلەتىنىن ايتتى.

«بيىل «نۇرلى جەر» مەملەكەتتىك باعدارلاماسى اياسىندا تۇرعىن ءۇي قۇرىلىسى مەن ينجەنەرلىك كوممۋنيكاتسيالىق ينفراقۇرىلىم جەلىلەرىن جۇرگىزۋ ءۇشىن مەملەكەتتىك بيۋدجەت ەسەبىنەن 11،0 ملرد تەڭگە قارجى ءبولىندى. سونىمەن قاتار، جىل كولەمىندە كرەديتتىك تۇرعىن ءۇي بويىنشا 665 پاتەردى قۇرايتىن 38 تۇرعىن ءۇي حالىق يگىلىگىنە بەرىلەدى. ال جەكە كوممەرتسيالىق قۇرىلىس سالۋشىلار ەسەبىنەن 220 پاتەردى قۇرايتىن 6 تۇرعىن ءۇيدىڭ قۇرىلىسى جۇرگىزىلۋدە»، دەدى وبلىستىق قۇرىلىس، ساۋلەت جانە قالا قۇرىلىسى باسقارماسى باسشىسىنىڭ ورىنباسارى ارنۇر نۇرماعانبەتوۆ.

سوڭعى جاڭالىقتار

ەلىمىزدە كۇن قايتا سالقىندايدى

اۋا رايى • بۇگىن، 16:53

ەسىل وزەنىنە جاڭا كوپىر سالىنادى

ايماقتار • بۇگىن، 15:16

شىعىس قازاقستان «جاسىل» ايماقتا

ايماقتار • بۇگىن، 12:15

دوللار ارزانداپ، مۇناي قىمباتتادى

ەكونوميكا • بۇگىن، 11:36

قىركۇيەكتە حالىق ساناعى باستالادى

قازاقستان • بۇگىن، 09:47

ۇقساس جاڭالىقتار