ايماقتار • 18 اقپان، 2021

اليك شپەكباەۆ ەلوردانى تسيفرلاندىرۋ جۇمىسىن جوعارى باعالادى

32 رەت كورسەتىلدى

نۇر-سۇلتان قالاسىن «اقىلدى قالا» تۇجىرىمىنا ساي تسيفرلاندىرۋ جانە ترانسفورماتسيالاۋ بويىنشا اۋقىمدى جۇمىستار جۇرگىزىلۋدە.

«تسيفرلىق قازاقستان» مەملەكەتتىك باعدارلاماسى شەڭبەرىندە 6 نەگىزگى باعىت بويىنشا باسىم جوبالار ىسكە اسىرىلۋدا: ءبىلىم بەرۋ، دەنساۋلىق ساقتاۋ، قاۋىپسىزدىك، تكش، كولىك جانە مەملەكەتتىك قىزمەتتەر سالالارىن تسيفرلاندىرۋ. بۇگىن ەلوردا اكىمى سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى اليك شپەكباەۆقا جۇمىس بارىسىن جانە ونىڭ قولدانىسىن تانىستىردى. ءىس-شاراعا بەينەكونفەرەنتسيا بايلانىسى ارقىلى بىرقاتار مينيسترلىكتەر، وبلىستىق اكىمدىكتەر جانە ت.ب. قاتىستى.

التاي كولگىنوۆ اتاپ وتكەندەي، تسيفرلىق تەحنولوگيالاردى ەنگىزۋ قىزمەتتەردىڭ ساپاسىن ارتتىرۋعا جانە قالا تۇرعىندارىنىڭ ءومىرىن جەڭىلدەتۋگە عانا ەمەس، سونىمەن قاتار سىبايلاس جەمقورلىق تاۋەكەلدەرىن بىرنەشە ەسە ازايتۋعا، ادامي فاكتوردى بولدىرماۋعا مۇمكىندىك بەرەدى.

«ەل باسشىلىعى مەملەكەتتىك قىزمەتتەردى تسيفرلاندىرۋ مەن اۆتوماتتاندىرۋعا ەرەكشە كوڭىل بولەدى، وسى باعىتتا ۇلكەن جۇمىس اتقارۋدامىز. قازىردىڭ وزىندە كوپ نارسە جاسالدى. مىسالى، وتكەن جىلى ءبىز كورسەتەتىن بارلىق 159 مەملەكەتتىك قىزمەتتى ەلەكتروندى فورماتقا كوشىردىك. بىزگە iQala ورتالىعىنىڭ دا كومەگى زور. وندا تۇرعىن ءۇي-كوممۋنالدىق سەكتورى سالاسىندا ء"بىر تەرەزە" قاعيداتى بويىنشا ۇيىمداستىرۋ قىزمەتتەرىن الۋعا بولادى. بۇرىن قىزمەت كورسەتۋ رەگلامەنتى بولماعان. مىسالى، پاتەر ساتىپ العاننان كەيىن ازامات بارلىق مونوپوليستەردى ارالاپ، ارقايسىسىمەن جەكە-جەكە كەلىسىمشارت جاساسىپ، ارا-تۇرا قوڭىراۋ شالىپ، قۇجاتتاردىڭ دايىن ەكەنىن بىلۋگە ءماجبۇر بولاتىن. بۇل ءىس 1 ايعا دەيىن سوزىلاتىن. قازىر ءوتىنىش بەرۋشى iqala.kz سايتى ارقىلى ءوتىنىش بەرەدى، 3-5 كۇن ىشىندە وعان قۇجاتتاردىڭ دايىن ەكەندىگى تۋرالى SMS حابارلاما كەلەدى. وسى جىلدىڭ باسىنان بەرى ورتالىق 14،5 مىڭعا جۋىق قىزمەت كورسەتتى.

سونىمەن قاتار، سىبايلاس جەمقورلىققا قارسى ءىس-قيمىل اگەنتتىگىنىڭ "استانا – ادالدىق الاڭى" بىرلەسكەن جوباسى اياسىندا مەكتەپتەگى تاماقتانۋ ماسەلەسى قوزعالدى. مەملەكەتتىك ساتىپ الۋلاردى اۆتوماتتاندىرۋ جۇرگىزىلىپ، بارلىق ءتورت اۋدان اكىمدىگى فرونت-وفيس فورماتىنا كوشتى. اشىق اكىمدىك رەجيمىندە جۇمىس ىستەۋدە. سونداي-اق دەنساۋلىق پاسپورتتارىن 100% تسيفرلاندىرۋ جۇرگىزىلدى. مەديتسينالىق انىقتاما بەرۋدىڭ زاڭدىلىعىن تەكسەرۋ ءۇشىن اقپاراتتىق قىزمەت ازىرلەندى. بەرىلگەن انىقتاماعا QR-كود جازىلادى، كودتى سكانەرلەپ، ونىڭ تۇپنۇسقالىعىن تەكسەرۋگە بولادى. سونداي-اق، بارلىق قوعامدىق كولىكتەر ەلەكتروندى تولەم جۇيەلەرىمەن جابدىقتالعان. بۇل اقشا قاراجاتىنىڭ 40%-ىن كولەڭكەلى اينالىمنان شىعارۋعا مۇمكىندىك بەردى. "قاۋىپسىز اۋلا" جانە ت.ب. جوبالارمەن جۇمىس ىستەۋدى جالعاستىرامىز"، - دەدى ەلوردا اكىمى التاي كولگىنوۆ.

بۇدان باسقا، قالادا ينجەنەرلىك جەلىلەر مەن عيماراتتاردى، جەر ۋچاسكەلەرىن تسيفرلاندىرۋ، باس جوسپاردىڭ كەڭىستىكتىك ءۇش ولشەمدى ماكەتىن، قالانىڭ 3D مودەلىن، ينۆەستيتسيالىق كارتالاردى جانە ت.ب. جاساۋ بويىنشا جۇمىستار جۇرگىزىلۋدە.

مىسالى، ينجەنەرلىك جەلىلەردى تسيفرلاندىرۋ بىرنەشە ماسەلەنى بىردەن شەشۋگە مۇمكىندىك بەرەدى. 3D جانە BIM تەحنولوگيالارىن قولدانا وتىرىپ، جەلىدەگى جۇكتەمەلەردى كورۋگە، ياعني قاي جەرىن اۋىستىرۋ كەرەك، قۋاتتى قاي تۇستا ارتتىرۋ كەرەك سەكىلدى ماسەلەلەردىڭ الدىن الۋعا بولادى. سونداي-اق، تسيفرلىق جوبالاردى ىسكە اسىرۋ قالا قۇرىلىسى پروتسەستەرىن، اۋرۋحانالاردى، مەكتەپتەردى، بالاباقشالاردى بەلگىلى ءبىر اۋدانداردى قامتاماسىز ەتۋ قاجەتتىلىگى تۋرالى دەرەكتەردى بولجاۋعا جانە مودەلدەۋگە، قولدانىستاعى جانە جوبالاناتىن جول جەلىلەرىنىڭ جاي-كۇيىن كورۋگە مۇمكىندىك بەرەدى.

تسيفرلاندىرۋ سول سياقتى بوس جەر ۋچاسكەلەرىن ۇتىمدى پايدالانۋعا، پايدالانىلمايتىن ۋچاسكەلەردى قايتارۋ بويىنشا بازا قۇرۋعا مۇمكىندىك بەرەدى.

اليك شپەكباەۆ نۇر-سۇلتان اكىمدىگىنىڭ قوعام ءومىرىنىڭ ماڭىزدى باعىتتارىن تسيفرلاندىرۋ، مەملەكەتتىك قىزمەتتەردى ەلەكتروندىق فورماتقا كوشىرۋ، ىنتىماقتاستىق جانە "استانا - ادالدىق الاڭى" جوبالىق كەڭسەسىمەن بىرلەسكەن جۇمىستاردى جوعارى باعالادى.

"ەلوردانىڭ تاجىريبەسىن وزگە وڭىرلەر دە قولدانۋى ءتيىس. قازىر ەلىمىز بويىنشا جەر قاتىناستارى جانە قۇرىلىس سالالارىندا ۇلكەن پروبلەمالار كەزدەسىپ جاتادى. بۇگىن، نۇر-سۇلتاندا گەوپورتال ارقىلى ورىن العان سىبايلاس جەمقورلىق تاۋەكەلدەرىن، ادامي فاكتوردى بولدىرماۋعا مۇمكىندىك بەرەتىن ەرەكشە شەشىمدەر مەن تاسىلدەرگە كۋا بولدىم. بارلىق اكىمدىكتەر وسى تاجىريبەنى نەگىزگە الۋى كەرەك. ەلوردادا قابىلدانعان، قازىردىڭ وزىندە تيىمدىلىگىن كورسەتىپ وتىرعان ستاندارتتاردى باسقا مەملەكەتتىك ورگاندار قابىلداۋى قاجەت"، - دەپ تۇيىندەدى انتيكور باسشىسى.

سوڭعى جاڭالىقتار

جىراۋلىق ونەردىڭ جاناشىرلارى

رۋحانيات • بۇگىن، 21:56

Big Tech كومپانيالارىنىڭ قارجىلىق ماسەلەسى

باعدارلامالار • بۇگىن، 21:30

ۇستازى جاقسىنىڭ ۇستامى جاقسى

رۋحانيات • بۇگىن، 18:30

ۇقساس جاڭالىقتار