قازاقستان • 18 اقپان، 2021

قازاقستانداعى حالىق ساناعى COVID-19 ۆاكتسيناتسياسىمەن بايلانىستى ما؟

27 رەت كورسەتىلدى

قازاقستاندىقتار Telegram مەسسەندجەرىندە حالىق ساناعى COVID-19-عا قارسى ۆاكتسيناتسيادان باس تارتقانداردى ەسەپتەۋ جانە ولاردى كۇشپەن ەگۋ ءۇشىن قاجەت دەگەن تەوريانى العا تارتتى. شىن مانىندە، حالىق ساناعى پاندەمياعا دەيىن جوسپارلانىپ قويعان جانە ونىمەن ەشقانداي بايلانىسى جوق، دەپ حابارلادى stopfake.kz.

قازاقستاندا حالىق ساناعى 10 جىلدا ءبىر رەت وتكىزىلەدى. العاش رەت ول 1999 جىلى 25 اقپان مەن 4 ناۋرىز ارالىعىندا ۇيىمداستىرىلعان. سودان كەيىن 2009 جىلى اقپان ايىندا ءوتتى.

«كەلەسى حالىق ساناعى 2019 جىلعا بەلگىنگەن بولاتىن، بىراق پروتسەستى ۇيىمداستىرۋداعى وزگەرىستەرگە بايلانىستى ول كەيىنگە قالدىرىلدى. بۇل جولى ەلىمىزدىڭ بارلىق ازاماتتارىن ەسەپكە الۋ ۇشىن تسيفرلىق تەحنولوگيالاردى پايدالانۋ جانە ساۋالنامالارداعى سۇراقتار ءتىزىمىن كەڭەيتۋ تۋرالى شەشىم قابىلداندى. وعان ەلدەن كوشۋ جوسپارلارى، بالالاردىڭ تۋعان كۇندەرى جانە باسقا دا قوسىمشا دەرەكتەر ەنگىزىلدى»، دەلىنگەن.

حالىق ساناعى 2020 جىلعى 1-30 قازانى ارالىعىندا وتۋگە ءتيىس بولاتىن. بىراق COVID-19 پاندەمياسىنا بايلانىستى تاعى دا كەيىنگە قالدىرىلىپ، 2021 جىلعا اۋىستىرىلدى. ەندى قازان ايىندا وتەدى. 1-15 قازان ارالىعىندا قازاقستاندىقتار sanaq.gov.kz سايتىنداعى ونلاين-ساۋالناماعا قاتىسا الادى. سونىمەن قاتار 1-30 قازاندا حالىق اراسىندا وفلاين رەجيمدە جاپپاي ساۋالناما جۇرگىزىلەدى.

ساۋالنامالارعا ۆاكتسيناتسيا تۋرالى سۇراقتار ەنگىزىلەتىنى تۋرالى ەش جەردە حابارلانعان جوق. سونداي-اق قر دەنساۋلىق ساقتاۋ مينيسترلىگى ءماجبۇرلى ۆاكتسيناتسيا تۋرالى قاۋەسەتتى جوققا شىعاردى. 2020 جىلعى 7 شىلدەدەگى «حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكسكە سايكەس قر كەز كەلگەن ازاماتى ەمدەلۋگە جانە باسقا دا مەديتسينالىق ارالاسۋلاردى، ونىڭ ىشىندە پروفيلاكتيكالىق ەگۋلەردى جۇرگىزۋگە حاباردار ەتىلگەن كەلىسىم بەرۋگە نەمەسە باس تارتۋعا قۇقىلى. بۇدان باسقا، 16 جاستاعى جانە ودان اسقان بالالاردىڭ پروفيلاكتيكالىق جانە كونسۋلتاتسيالىق-دياگنوستيكالىق كومەك الۋدان حاباردار تۇردە باس تارتۋعا قۇقىعى بار.

سوڭعى جاڭالىقتار

تاميلانىڭ تارتۋى

ونەر • كەشە

مۋتاتسيالانعان ۆيرۋس

مەديتسينا • كەشە

ۇقساس جاڭالىقتار