«قازىرگى تاڭدا وبلىستىق ماڭىزى بار جولدارعا ارنايى 5 مەكەمە قىزمەت ەتەدى. ال رەسپۋبليكالىق ماڭىزى بار جولدارعا ارنايى 1 مەكەمە قىزمەت كورسەتەدى. قالاىشىلىك جولدار ءۇشىن دە 1 مەكەمە جاۋاپ بەرەدى. بۇل مەكەمەلەر قازىر قالا جولدارىنداعى قاۋىپسىزدىكتى قامتاماسىز ەتۋدە», - دەدى ماناس ءبىتىموۆ.
ايتا كەتەيىك, رەسپۋبليكالىق ماڭىزى بار جولدارعا 10 تەحنيكا, 25 قىزمەتكەر جۇمىلدىرىلدى. وبلىستىق ماڭىزى بار جولداردا 35 تەحنيكا, 65 قىزمەتكەر قىزمەت ەتىپ جاتىر. جولدىڭ تۇسەتىن بولىگى (سپۋسك) مەن بۇرىلىستارعا 30 ت ينەرتتى ماتەريال سەبىلدى. ال قالاىشىلىك جولدارعا 221 ت ينەرتتى ماتەريال سەبىلدى. وعان 25 قىزمەتكەر, 10 تەحنيكا اتسالىستى. سپيكەردىڭ مالىمەتىنشە, اتالعان اۆتوجولدارعا قوسىمشا تەحنيكا كوزدەلۋدە.
«ەڭ قاۋىپتى جولدار: «اقتاۋ-فورت-شەۆچەنكو», 43 كم باستاپ قالامقاس كەنورنىنا دەيىن جانە تاۋشىق-شەتپە باعىتتارى. ال «اقتاۋ-جاڭاوزەن», «اقتاۋ-قۇرىق» باعىتىنداعى جول تازا. ەگەر قار جاۋى توقتاماسا جولداردى جابۋىمىزعا تۋرا كەلەدى. قالا تۇرعىندارىن وسى اپتادا شاما كەلگەنشە الىس جولعا شىقپاۋعا شاقىرامىن. جولعا شىققان جاعدايدا اۆتوكولىكتىڭ دوڭگەلەكتەرىن قىستىق تۇرىنە اۋىستىرىپ, باسقا دا قۇرال-جابدىقتارىن مۇقيات تەكسەرۋى قاجەت», - دەدى ماناس ءبىتىموۆ.
