ونەر • 18 اقپان، 2021

تاعدىرىن تەاترمەن توعىستىرعان قالتورە جۇماقۇلوۆ

59 رەت كورسەتىلدى

ونەر سالاسىنىڭ ەڭ كوركەم الەمىنىڭ ءبىرى – بەينەلەۋ. وسى قىلقالام قۋاتىمەن جان بىتىرگەن شەبەرلەردىڭ ىشىندە بولمىسى بولەك، ءباسى بيىك مامان يەسى – تەاتر سۋرەتشىسى.

ونىڭ مىندەتى – سپەكتاكلدىڭ كوركەم وبرازىن جاساپ، قۇندى، جۇيەلى دۇنيە شىعارۋ. وسىنداي قازاق ونەرىندە وزىندىك ايرىقشا قولتانباسى بار، تالانتتى سۋرەتشىلەردىڭ ءبىرى - جۇمات شانين اتىنداعى شىمكەنت قالالىق اكادەميالىق قازاق دراما تەاترىنىڭ باس سۋرەتشىسى قالتورە جۇماقۇلوۆ.

ونەر يەسى 1984 جىلدان بەرى وسى تەاتردا باس سۋرەتشى قىزمەتىن اتقارىپ كەلەدى. ەڭبەك جولىندا ول 200-دەن اسا قويىلىمداردىڭ ساحنالىق تۇلعالىق شەشىمدەرىن جاسادى، ونىڭ ىشىندە شەتەل كلاسسيكتەرىنىڭ دە شىعارمالارى بار.

1

ول «شىمكەنت 2020 – تمد ەلدەرىنىڭ مادەني استاناسى» جىلى اياسىندا وتكەن ايتۋلى ۇلكەن ءىس شارالاردا مەرەكەلىك كەشتەردىڭ ساحنالىق دەكوراتسيالاردىڭ ەسكيزىن جاساپ، كوركەم دەڭگەيدە وتىلۋىنە سۇبەلى ۇلەس قوستى. ءاربىر سالتاناتتى، رەسپۋبليكالىق جانە قالالىق دەڭگەيدەگى مەرەكەلىك ءىس-شارالاردىڭ جۇرتشىلىقتىڭ كوز الدىندا قالار تۇسى ساحنالىق دەكوراتسيانىڭ كوركەم دەڭگەيدە بولۋى دەسەك، وعان قالتورە جۇماقۇلوۆتىڭ دا قوسقان ۇلەسى مول. تاعدىرىن تەاترمەن توعىستىرعان سۋرەتشىنىڭ مادەنيەت سالاسىنا قوسقان ۇلەسى ءۇشىن 2020 جىلى قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ جانە شىمكەنت قالاسىنىڭ اكىمى مۇرات ايتەنوۆتىڭ العىس حاتتارىمەن ماراپاتتالعان.

قر مادەنيەت قايراتكەرى ەڭبەك جولىندا ورتا ازيا رەسپۋبليكالارىنىڭ اراسىندا وتكەن حالىقارالىق تەاتر فەستيۆالىندە «ەڭ ۇزدىك سۋرەتشى» نوميناتسياسىن جەڭىپ السا، «تۇركسوي-2017» حالىقارالىق تەاتر فەستيۆالىنەدە «ۇزدىك سۋرەتشى» باس جۇلدەسىن يەلەندى.

ستسەنوگراف – سۋرەتشى قويىلىمنىڭ كوركەمدىك بەينەسىنىڭ جوباسىن جاسايدى، ياعني ستسەنوگرافياسىن. ستسەنوگراف–سۋرەتشى ساحنانى بەزەندىرۋ ارقىلى قويىلىمنىڭ ىشكى ويىن جەتكىزەدى. ستسەنوگرافيا – دەكوراتسيا، كيىم، گريم، ساحنالىق جارىقتى قامتيدى.
قالتورە جۇماقۇلوۆ ۇل-قىز ءوسىرىپ، نەمەرە ءسۇيىپ وتىرعان ونەگەلى وتاعاسى، قادىرمەندى اتا، اياۋلى جار. ۇجىمدا قۇرمەتكە بولەنگەن، وڭتۇستىك ولكەسىندە سىيلى ازامات.

ايتا كەتەيىك، قازاق تەاتر ونەرىنىڭ قارا شاڭىراقتارىنىڭ ءبىرى – جۇمات شانين اتىنداعى شىمكەنت قالالىق اكادەميالىق قازاق دراما تەاترىندا وتكەن جىلى 6 پرەمەرا ساحنالانعان.

 

 

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار