بەسىنشى دارەجەلى دانەكەرلەۋشى سالماعى 30 كيلوگرامم تارتاتىن ونەر تۋىندىسىن ءبىر اپتانىڭ ىشىندە باستان-اياق جاساپ ءبىتىپتى. شەبەر بيىل سيىر جىلى بولعان سوڭ, اۋەلى جىل جانۋارىن مۇسىندەمەك بولىپتى. الايدا تۋىندى يسپان كورريداسىنداعى دولى بۇقالاردان اۋماي قالعان.
– 2019 جىلدىڭ مامىر ايىندا پاۆلودار ماشينا جاساۋ زاۋىتىندا ERG كاسىپورىندارىنىڭ دانەكەرلەۋشىلەرىنە ارنالعان شەبەرلىك سىنىپتارى ءوتتى. سول كەزدە دانەكەرلەۋ قۇرىلعىسىنىڭ كومەگىمەن ونەر تۋىندىلارىن جاسايتىن بەلگىلى مەتالل شەبەرى, مەكسيكالىق ءمۇسىنشى دەۆيد مادەرودان ساباق الدىق. ول كىسى كورسەتكەن دۇنيەلەردەن كەرەمەت اسەر الدىم. سودان ويعا تۇيگەندەرىمدى كوپتەن بەرى تاجىريبەگە اسىرىپ كورگىم كەلىپ جۇرگەن. بىراق ءساتى تۇسپەدى. تاياۋدا تسەح باسشىلىعى بايقاۋ جاريالاعان, كوپ ويلانىپ جاتپاستان قاتىسۋعا ءوتىنىش بەردىم. ارىپتەستەرىم مەن تسەح باسشىسى الەكساندر كارداكوۆ قولداۋ كورسەتپەگەندە مەتالل ءمۇسىندى جاساپ شىعارۋ قيىنعا سوعاتىن ەدى, دەدى سەرگەي.
شەبەرگە جۇمىستان تىس ۋاقىتىنىڭ ءبارىن شىعارماشىلىققا جۇمساۋعا تۋرا كەلگەن. ءبىر جەتى بويى تۇسكى ءۇزىلىسى مەن اۋىسىمنان كەيىنگى دەمالىسىن پايدالانىپ بەل جازباي ەڭبەكتەنىپتى. مەتالل سىمنان دانەكەرلەنگەن جانۋاردىڭ ءمۇسىنى قازىر كەن ورنىنىڭ وندىرىسكە پايدالاناتىن قۇرىلعىلارىن جوندەۋ تسەحىندا تۇر.
قوستاناي وبلىسى
