ايماقتار • 18 اقپان، 2021

قايتارىمسىز گرانتتىڭ قايىرىمى مول

27 رەت كورسەتىلدى

قوستاناي وبلىستىق كاسىپكەرلەر پالاتاسىنىڭ ديرەكتورى مۇرات ابە­نوۆتىڭ ايتۋىنشا، بيىل توبىل وڭىرىندە 1 250 تۇرعىن «باس­تاۋ» جو­باسى بويىنشا كاسىپ­كەر­لىك نەگىز­دەرىن مەڭگەرۋ كۋرستا­رىندا ءبىلىم الادى. كۋرستى تا­مام­داعان­دار­دى مەملەكەت «بيز­نەستىڭ جول كارتاسى-2025»، «ەڭ­بەك» باع­دار­لامالارى ارقىلى قول­داپ، كاسىپ باستاۋعا نەمەسە بۇرىننان بار كاسى­بىن كەڭەيتۋگە قايتارىمسىز گرانت قارجىسىن بەرەدى.

 

نەگىزىنەن بيداي وڭدەۋ ونەركاسىبى جاقسى دامىعان قوستاناي وبلىسىندا ەندى كۇرىش وڭدەپ، كەسپە وندىرۋگە دەن قويعان كاسىپكەرلەر دە تابىلىپ جاتىر. توبىل ءوڭىرى ءۇشىن توسىنداۋ كاسىپتى قولعا الىپ جاتقانداردىڭ ءبىرى – جىتىقارا قالاسىنىڭ تۇرعىنى ەلەنا كياشكو. كاسىپكەر مەم­لەكەتتىك باعدارلاماعا قاتىسىپ، كۇرىش كەسپەسىن وندىرەتىن تسەح اشۋ ءۇشىن 4 ملن 355 مىڭ تەڭگە قايتارىمسىز گرانت قارجىسىن ۇتىپ الدى.

ەلەنا كياشكو بىلتىر وبلىستىق كاسىپ­كەرلەر پالاتاسى جانىنداعى «باس­تاۋ» كۋر­سىن ءتامامداپ، سۋشي-كافەتەري عي­ما­راتىن ساتىپ الۋعا 6 پايىزدىق جەڭىل­دىك­پەن قوماقتى نەسيە العان. بيىل كاسىبىن كە­ڭەيتۋ ماقساتىندا گرانتقا ءوتىنىش بەرىپ، مەم­لەكەتتىك قولداۋ قارجىعا تاعى قول جەتكىزىپ وتىر.

– ءسۋشيدى ءبىراز ۋاقىت ۇيدە دايىنداپ ءجۇردىم. كەيىن ءبىر شاعىن عيماراتتى جالعا الىپ، تاعامدى سول جەردە دايىنداپ، تاپسىرىس بەرۋشىلەردىڭ ۇيىنە اپارىپ بەرەتىن بولدىم. ويتكەنى ءدامحانا عيماراتى تار، نەبارى ەكى-اق ورىندىق سيادى. وسىلايشا، بىرتىندەپ تاپسىرىس كوبەيىپ، جالعىز ءوزىم ۇلگەرە الماي بارا جاتقان سوڭ، كاسىبىمدى كەڭەيتۋ جاعىن ويلاستىرا باستادىم. سودان اۋداندىق كاسىپكەرلىكتى قولداۋ بولى­مىندەگى مامانداردىڭ كەڭەسىمەن «باستاۋ» كۋرسىندا ءبىلىم الدىم. بيزنەس-جوبامدى ءساتتى قورعاپ شىعىپ، 8،2 ملن تەڭگە جەڭىل نەسيەگە قول جەتكىزىپ، ۇلكەن عيمارات ساتىپ الدىم، – دەيدى كاسىپكەر.

بيزنەستىڭ قىر-سىرىن مەڭگەرىپ، ءونىم ساپالى ءارى قولجەتىمدى بولسا عانا ءوتىمدى بولاتىنىن اڭعارا باستاعان ەلەنا كياشكو مۇنىمەن توقتاپ قالماي، كاسىبىن ودان ءارى كەڭەيتىپ، ەندى سۋشي تاعامىنا قاجەت شيكىزاتتى ءوزى ءوندىرىپ كورمەككە بەل بايلايدى. ويتكەنى كۇندە ساتىپ الىپ جۇرگەن كۇرىش كەسپەسىنىڭ باعاسى ۋداي. بۇل ءونىم باعاسىنا اسەر ەتەتىندىكتەن، كەيدە تاپسىرىس بەرۋشىلەر دە نارازىلىق تانىتىپ جاتادى. وسىلايشا، كاسىپكەر مەملەكەت گرانتى­نا ەكىنشى رەت ءوتىنىم بەرىپ، ءوزى كوزدەگەن تسەح اشۋ­عا جەتكىلىكتى قارجىعا قول جەتكىزىپ وتىر.

قوماقتى قارجى قولىنا تيگەن سوڭ قامىر يلەگىش، بىرنەشە ارنايى ۇستەل، توڭازىتقىش، كەسپە كەسەتىن قۇرىلعى ساتىپ العان كاسىپكەر قازىر جەكە تسەحىن ىسكە قوسۋعا دا­يىنداپ جاتىر. عيماراتىن باستان-اياق جوندەۋدەن وتكىزىپ، جۇمىسشىلار قابىلداۋدا.

– كۇرىش كەسپەسى ءوندىرىسىنىڭ تەحنولوگياسىن ەكاتەرينبۋرگ قالاسىندا ۇيرەندىم. ءبىزدىڭ كەسپەلەر شەتەلدەن كەلەتىن ونىمنەن اناعۇرلىم ارزان بولادى. مۇنىڭ سىرتىندا، ءبىز كۇرىش ۇنىن ءوزىمىز دايىندايمىز. مۇنداي ۇن قىمبات تۇرادى. ونى ءوزىمىز دايىنداساق، وندىرىسكە كەتەتىن شىعىن دا ازايادى، – دەدى ىسكەر ايەل.

كاسىپكەر كۇرىش كەسپەسى ءوندىرىسىن نەگى­زىنەن ءوز ءدامحاناسىنىڭ قاجەتىن وتەۋ ءۇشىن قولعا العان. الايدا ءونىم ارتىلىپ جاتسا، قالا دۇكەندەرىنە دە تاراتىپ، ساتۋدى جوس­پارلاپ وتىر.

 

قوستاناي وبلىسى

سوڭعى جاڭالىقتار

عارىشتان انىقتالعان قوقىستار

ەكولوگيا • بۇگىن، 08:24

ۆيرۋس جۇقتىرۋ توقتاماي تۇر

كوروناۆيرۋس • بۇگىن، 08:16

ءورت سوندىرگەن وجەتتەر

ايماقتار • بۇگىن، 08:12

ەرلىككە بەرگىسىز ەڭبەك

قوعام • بۇگىن، 08:09

جاساندى جۇرەك سالىندى

الەم • بۇگىن، 08:02

نۇروتاندىقتاردىڭ ايقىن جەڭىسى

ساياسات • بۇگىن، 07:43

شامانىڭ ءانى

ونەر • كەشە

سوتتالعان جىرلار

ادەبيەت • كەشە

9 اي «تولعاتقان» 9 پايىز

ەكونوميكا • كەشە

ۇقساس جاڭالىقتار