قازاقستان • 18 اقپان، 2021

قارۋلى كۇشتەردە ەپيدەميالىق جاعداي تۇراقتى

8 رەت كورسەتىلدى

قورعانىس ۆەدومستۆوسىنىڭ باسشىسى اسكەردە كوروناۆيرۋس ينفەكتسياسىنىڭ تارالۋىنا جول بەرمەۋ بويىنشا قابىلدانىپ جاتقان شارالار جونىندە قورعانىس ءمينيسترىنىڭ ورىنباسارى، گەنەرال-مايور مۇحامەدجان تالاسوۆ پەن باس اسكەري-مەديتسينالىق باسقارما باستىعى مەديتسينا قىزمەتىنىڭ پولكوۆنيگى تيمۋر وشاقباەۆتى تىڭدادى.

كەزدەسۋ بارىسىندا قورعانىس ءمينيسترى، گەنەرال-لەيتەنانت نۇر­لان ەرمەكباەۆ اسكەري قىز­مەتشى­لەردىڭ دەنساۋلىعىن ساق­تاۋ جاۋىن­گەرلىك دايارلىقتى قول­داۋدىڭ ما­ڭىزدى فاكتورى، ال جەكە قۇرامنىڭ ناۋقاستانۋىنىڭ الدىن الۋ جونىندەگى بارلىق شا­رالاردى قابىلداۋ – ءبىرىنشى كە­زەكتەگى مىندەت ەكەنىن اتاپ ءوتتى. باس اسكەري-مەديتسينالىق باس­قارما باستىعى، مەديتسينا قىز­مەتىنىڭ پولكوۆنيگى تيمۋر وشاق­باەۆ قارۋلى كۇشتەردە ۇيىم­داستىرىلعان جۇيەلى ءىس-شارا­لار جەكە قۇرامنىڭ كوروناۆي­رۋس ينفەكتسياسىن جاپپاي جۇقتىرۋدان ساقتانۋعا مۇمكىندىك بەرگەنىن باياندادى. سونىمەن قاتار الدىن الۋ شارالارىنىڭ اۋقىمى مەن قارقىندىلىعى كۇن سايىن ارتىپ، ولاردىڭ ساپاسى جاق­سا­رۋ­دا. جالپى، قارۋلى كۇشتەردە كورو­نا­ۆيرۋس ينفەكتسياسىن جۇقتىر­عان­داردىڭ سانى ەلدەگى ورتاشا كورسەتكىشتەن الدەقايدا تومەن. بۇل بارلىق جاۋىنگەرلىك دايارلىق پەن وقۋ-جاتتىعۋ ءىس-شارالارىن تولىق وتكىزۋگە، جاۋىنگەرلىك ازىر­لىكتىڭ جاي-كۇيىن قاجەتتى دەڭگەيدە ۇستاپ تۇرۋعا مۇمكىندىك بەرەدى.

بۇدان بولەك، 2020 جىلدىڭ كوك­تەمى مەن جازىنداعى تاجىريبە بويىنشا قارۋلى كۇشتەر ەلى­مىزدىڭ دەنساۋلىق ساقتاۋ قاجەت­تىلىكتەرى ءۇشىن اسكەري-مەدي­تسي­نالىق مەكەمەلەردى ستاتسيونار، ءموبيلدى اسكەري-دالالىق گوسپيتال رەتىندە، سونداي-اق شال­عاي وڭىرلەردە مەديتسينالىق كومەك كورسەتۋ ءۇشىن 24 دارىگەرلىك-مەيىر­بيكەلىك بريگادانى جۇمىلدىرۋعا دايىن. قازىرگى ۋاقىتتا ەكپە جۇمىستارىنا دايىندىق ءجۇرىپ جاتىر، ول قارۋلى كۇشتەردە بيىل ناۋرىز ايىندا باستالادى. ەكپە جۇرگىزۋدە جەكە قۇرامنىڭ باسىم ساناتتارى ايقىندالىپ، ونى الۋ كەزەكتىلىگى جوسپارلاندى. اسكەري قىز­مەتشىلەر مەن ازا­ماتتىق قىزمەت­كەر­لەردىڭ پىكىر­لەرىن الدىن الا زەردە­لەۋ كورسەت­كەندەي، بارلىعى دەرلىك كورونا­ۆيرۋسقا قارسى ەكپەنىڭ قاجەت­تىلىگىن قولدايدى.

قورعانىس ءمينيسترى جاۋىن­گەرلىك دايارلىق ءىس-شارا­لارىن قىسقارتۋعا، اسكەري دايار­لىقتى تومەندەتۋگە جول بەرىلمەي­تىنىن اتاپ ءوتتى. وسىعان بايلانىستى ول كوروناۆيرۋس ينفەكتسياسىنىڭ تارالۋىنا قارسى الدىن الۋ شارالارىن جەتىلدىرۋدى تاپسىردى. ولار ءتۇسىندىرۋ جۇمىستارىن جانە دەنساۋلىق جاعدايىنىڭ كۇندەلىكتى مونيتورينگىن، سونداي-اق جەكە قۇرامعا جوسپارلى ەكپەنى، پتر-تەستىلەۋدى، ال قاجەت بولعان جاعدايدا بىلىكتى مەديتسينالىق كومەك كورسەتۋدى قامتۋى ءتيىس.

الدىن الۋ شارالارىن ۇيىم­داستىرۋ ماسەلەلەرى بويىنشا دەنساۋلىق ساقتاۋ مينيسترلىگىنىڭ سانيتارلىق-ەپيدەميالىق باقىلاۋ كو­ميتەتىمەن، سون­داي-اق جەرگىلىكتى اتقارۋشى ورگان­داردىڭ ءتيىستى بولىم­شەلەرىمەن ءوزارا تىعىز قارىم-قاتىناستا جۇر­گ­ىزۋ تاپسىرىلدى. قارۋلى كۇش­تەر تۇرلەرىندەگى، وڭىر­لىك قولباس­شى­­لىقتارداعى، اسكەر تەك­­تەرىن­­دەگى، اسكەري بولىمدەر مەن مەكەمە­لەردەگى ەپيدەميالىق جاع­داي­دىڭ جاي-كۇيىنە جاۋاپتى باس قولباسشىلارعا، قولباسشىلارعا، كومانديرلەر مەن باسشىلارعا جەكە مىندەتتەر جۇكتەلدى.

سوڭعى جاڭالىقتار

شىرقاۋ شىڭى شوقاننىڭ

رۋحانيات • كەشە

ۇقساس جاڭالىقتار