2023 جىلعا دەيىنگى ءوڭىردىڭ ەكونوميكالىق دامۋ جوسپارى قابىلدانىپ, بيزنەس وكىلدەرىنە ءوڭىردى ءوز ءوندىرىس ونىمدەرىمەن قامتاماسىز ەتەتىن 271 ملرد تەڭگەنىڭ 265 جوباسى ۇسىنىلدى. بۇگىندە 7,1 ملرد تەڭگەنىڭ 89 جوباسى جۇزەگە اسىرىلىپ, 1047 جۇمىس ورنى قۇرىلدى.
باعانى تۇراقتاندىرۋ ماقساتىندا قاجەتتى ازىق-ت ۇلىك ونىمدەرىنە وبلىستىق بيۋدجەتتەن 1234,4 ملن تەڭگە ءبولىنىپ, وڭىرلىك تۇراقتاندىرۋ قورىنا 4 مىڭ توننادان استام الەۋمەتتىك-ماڭىزى بار ازىق ت ۇلىك تاۋارلارى ساتىپ الىنعان.
مەملەكەت باسشىسىنىڭ باستاماسىمەن 2020-2021 جىلدارعا ارنالعان جۇمىسپەن قامتۋ جول كارتاسى باستالىپ, ول حالىقتى جۇمىسپەن قامتىپ, تۇراقتى تابىس كوزىمەن قامتاماسىز ەتتى. 2020 جىلدىڭ قورىتىندىسىمەن قۇنى 40 ملرد تەڭگەدەن اساتىن 261 جوبا جۇزەگە اسىرىلدى.
مەملەكەت باسشىسىنىڭ تاپسىرماسىمەن ءوڭىردىڭ دامۋىنا قوسىمشا 15,6 ملرد تەڭگە ءبولىندى.
وبلىس ەكونوميكاسىنداعى كەيبىر كورسەتكىشتەردىڭ تومەندەۋىنە قاراماستان ۇكىمەتپەن جاسالعان مەموراندۋم بويىنشا وڭىرگە ينۆەستيتسيا تارتۋ 230 ملرد تەڭگە بولىپ بەلگىلەنسە, كورسەتكىش 27 پايىزعا ارتىعىمەن ورىندالىپ, 292 ملرد تەڭگەگە جەتتى. ال, تۇرعىن ءۇي سالۋ جوسپارى 591 مىڭ شارشى مەتر بولسا, بۇل كورسەتكىش تە وسىممەن ورىندالدى.
- 2021 جىلعى 26 قاڭتاردا ۇكىمەتتىڭ كەڭەيتىلگەن وتىرىسىندا مەملەكەت باسشىسى قاسىم-جومارت توقاەۆ قىزىلوردا وبلىسىنىڭ ەكونوميكالىق كۇردەلى جاعدايىن ەسكەرىپ, ۇكىمەتكە قولداۋ كورسەتۋدى تاپسىردى. وسىعان وراي, ءبىز ءوز تاراپىمىزدان رەسپۋبليكالىق بيۋدجەتتەن قارجىلىق قولداۋدى قاجەت ەتەتىن 110 جوبا ازىرلەدىك, - دەدى وبلىس اكىمى.
الەۋمەتتىك سالا ايرىقشا ءمان بەرىلەتىن سالالاردىڭ ءبىرى. بۇگىنگى تاڭدا اۋداندىق ورتالىق اۋرۋحانالار سالۋ ماسەلەسى تولىقتاي شەشىمىن تاپتى. ەندى العاشقى مەديتسينالىق-الەۋمەتتىك كومەك كورسەتەتىن 62 نىساندى 2024 جىلعا دەيىن جاڭارتۋ جوسپارلانۋدا.
وبلىس بويىنشا وقۋشىلاردىڭ 49 % قاشىقتان, 51 % ءداستۇرلى فورماتتا وقۋدا. مەكتەپتەر تەڭگەرىمىندەگى 14 مىڭنان استام كومپيۋتەر وقۋشىلارعا بەرىلدى.
ۇكىمەت رەزەرۆىنەن 3,2 ملرد تەڭگە قارجى ءبولىنىپ, 22 870 قۇرىلعى ساتىپ الىندى. جەرگىلىكتى بيۋدجەت جانە دەمەۋشىلەر ەسەبىنەن 4 مىڭ كومپيۋتەرلىك تەحنيكا ساتىپ الىنىپ, مۇقتاج بالالارعا تاراتىلدى. 2020 جىلى از قامتىلعان جانە كوپ بالالى وتباسىلاردان شىققان دارىندى اۋىل بالالارىنا ارنالعان گرانتتاردىڭ سانى 150-گە ارتتى. 2019 جىلى 126 گرانت بولىنگەن.
وتكەن جىلى جالاعاش اۋدانى, شامەنوۆ اۋىلىنداعى اپاتتى مەكتەپ ورنىنا جاڭا عيمارات سالىنىپ, پايدالانۋعا بەرىلدى. جاڭاقورعان كەنتىندەگى مەكتەپتىڭ قۇرىلىسى جۇرگىزىلۋدە. ارالدا اپاتتى مەكتەپتىڭ قۇرىلىسىن بيىل باستالادى. قازىرگى تاڭدا قىزىلوردا قالاسىندا ينۆەستورلار ەسەبىنەن 500 ورىنعا لايىقتالعان ءبىر مەكتەپ سالىنىپ, 300 ورىندىق ءبىر مەكتەپتىڭ قۇرىلىسى جۇرگىزىلۋدە. سونىمەن قاتار, بيۋدجەت ەسەبىنەن 8 جاڭا سپورت نىسانى سالىندى. مەملەكەتتىك-جەكەشەلىك ارىپتەستىك شەڭبەرىندە 60 سەكتسيالى 5 جوبا جۇزەگە اسىرىلدى.
2020 جىلى يندۋستريالاندىرۋ باعدارلاماسى اياسىندا 1,5 ملرد تەڭگە قارجىعا 3 جوبا ىسكە اسىرىلىپ, 172 جاڭا جۇمىس ورنى اشىلدى. اعىمداعى جىلى تاعى دا قۇنى 48,5 ملرد تەڭگەنىڭ 4 جوباسىن ىسكە اسىرۋدى جوسپارلانۋدا.
مەملەكەتتىك باعدارلامالار اياسىندا وبلىستا 492 شاقىرىم بولاتىن اۆتوجول مەن كوشە جوندەلىپ, 2 كوپىر جانە 408 پاتەرلى 39 كوپقاباتتى تۇرعىن ءۇي, 13 الەۋمەتتىك نىسان پايدالانۋعا بەرىلدى. بيىل 1964 پاتەرلىك 101 تۇرعىن ءۇي پايدالانۋعا بەرىلەدى.
بۇگىندە وبلىس حالقىنىڭ 97 پايىزى ورتالىقتاندىرىلعان اۋىز سۋمەن, 65 پايىزى تابيعي گازبەن قامتىلعان.
اگروونەركاسىپ سالاسىندا ايتارلىقتاي ءوسىم بار. جىل قورىتىندىسىمەن وبلىستا تۇتىنۋ باعالارىنىڭ يندەكسى 107,2 پايىزدى, ال, الەۋمەتتىك ماڭىزى بار ازىق-ت ۇلىك باعالارىنىڭ يندەكسى 110,1 پايىزدى قۇرادى. قازىرگى تاڭدا وبلىستا 8,7 مىڭ توننادان استام الەۋمەتتىك ماڭىزى بار ازىق-ت ۇلىك قورى قالىپتاستى. سوڭعى جىلى اگروونەركاسىپتىك كەشەننىڭ نەگىزگى كاپيتالىنا سالىنعان ينۆەستيتسيالار كولەمى ەكى ەسەگە ءوستى. 2019 جىلى – 6,7 ملرد تەڭگە قۇراسا, 2020 جىلى-13,6 ملرد تەڭگەگە جەتتى.
كاسىپكەرلىك سالاسىن دامىتۋ بويىنشا دا قارقىندى جۇمىستار اتقارىلۋدا. پاندەميا كەزىندە وڭىردەگى 54 مىڭعا جۋىق كاسىپكەر سالىقتىق جەڭىلدىكتەرىن الىپ, 8,5 مىڭنان استامى مىندەتتى الەۋمەتتىك مەديتسينالىق ساقتاندىرۋ تولەمدەرىنەن بوساتىلدى. 9 مىڭ ساۋدا الاڭى شامامەن 700 ملن تەڭگە ارەندالىق اقىدان, 194 كاسىپكەر مەملەكەتتىك مەنشىكتى جالداۋ قۇنىنان بوساتىلدى. 8 مىڭعا جۋىق كاسىپكەردىڭ 11 ملرد تەڭگەدەن استام نەسيە قارىزى كەيىنگە شەگەرىلدى.
كاسىپكەرلىك سالاسىنداعى باعدارلامالار اياسىندا وتكەن جىلى بيزنەستى قولداۋعا بانكتەرمەن 20 ملرد. تەڭگەدەن استام قاراجات باعىتتالدى. «قىزىلوردا» وڭىرلىك ينۆەستيتسيالىق ورتالىعىمەن نەسيەلەندىرۋدىڭ قولجەتىمدى شارتتارى ارقىلى اۋىل كاسىپكەرلەرىنىڭ ستارتاپ جوبالارىنا وبلىستىق بيۋدجەتتەن 2 ملرد تەڭگە قارجى ءبولىندى. ناتيجەسىندە جۇمىس ىستەپ تۇرعان شاعىن جانە ورتا بيزنەس سۋبەكتىلەرىنىڭ سانى 5 پايىزعا ارتىپ, جۇمىسپەن قامتىلعاندار سانى 96 مىڭ ادامدى قۇرادى.
وتكەن جىلى ەلىمىزدە ءابۋ ناسىر ءال-ءفارابيدىڭ 1150, التىن وردانىڭ 750, ۇلى ابايدىڭ 175, ۇلى جەڭىستىڭ 75 جىلدىعى اتالىپ ءوتتى. مەرەيتويلار اياسىندا وبلىستا 2000-عا جۋىق ءىس-شارا ونلاين فورماتتا ۇيىمداستىرىلدى. Youtube پلاتفورماسىندا ارنايى «سىر شاڭىراعى», «سىر قوعامى», «سىر بىرلىگى», «سىر جاستارى», «سىر سپورتى» مەديا-ارنالارى اشىلدى.
رەسپۋبليكادا العاشقىلاردىڭ ءبىرى بولىپ وبلىسىمىزدا «سىر ەرىكتىلەرىنىڭ شتابى» قۇرىلدى. ەرىكتىلەر تۇرمىسى تومەن وتباسىلار مەن جالعىز باستى قارت ادامدارعا 11 تۇرعىن ءۇي سالىپ بەردى.
ايماق باسشىسى ەسەپ بەرۋ سوڭىندا ءوڭىردى دامىتۋدىڭ 2021 جىلعا ارنالعان 6 نەگىزگى باعىتى بويىنشا وبلىس اكىمىنىڭ ء«ىس-قيمىل جوسپارى» بەكىتىلگەنىن, وبلىستى دامىتۋدىڭ 2021-2025 جىلدارعا ارنالعان باعدارلاماسى قابىلدانعانىن اتاپ ءوتتى.
سودان كەيىن ايماق باسشىسى وبلىس تۇرعىندارىنىڭ سۇراقتارىنا جاۋاپ بەردى.
وبلىس اكىمىنە سۇراقتاردى تىركەۋ 400-100 ءنومىرى, www.400-100.kz سايتى, سونداي-اق, قىزىلوردا وبلىسى اكىمدىگىنىڭ telegram كانالى مەن ينتەرنەت رەسۋرسى ارقىلى جۇرگىزىلدى. ەسەپ بەرۋ كەزدەسۋىنىڭ تىكەلەي كورسەتىلىمى قىزىلوردا وبلىسىنىڭ اكىمدىگىنىڭ جانە «Qyzylorda» وبلىستىق تەلەارناسىنىڭ «ۋoutube» كانالىندا, «Facebook» الەۋمەتتىك جەلىسىندە ۇيىمداستىرىلدى.
