«زەينەتاقى اكتيۆتەرىن باسقارۋدى جوسپارلاپ وتىرعان جەكەلەگەن باسقارۋشى كومپانيالار قازىردىڭ وزىندە زەينەتاقى اكتيۆتەرىن سەنىمگەرلىك باسقارۋعا ارنالعان كەلىسىمشارت جاساسۋ بويىنشا بىرىڭعاي جيناقتاۋشى زەينەتاقى قورىمەن جۇمىستى باستاپ كەتتى. ولارمەن اقپان ايىنىڭ باسىنان بەرى اقپارات الماسۋ جانە زەينەتاقى جيناعىن بەرۋمەن بايلانىستى تەحنيكالىقماسەلەلەر پىسىقتالۋدا. كەلىسىمشارتتار جاسالىپ, بجزق سايتىندا باسقارۋشى كومپانيالاردىڭ ءتىزىلىمى جاريالانعاننان كەيىن سالىمشىلار باسقارۋشى كومپانيانى تاڭداپ, جيناقتارىنىڭ ءبىر بولىگىن سول جاققا اۋدارا الادى. ءبىز كەلەسى اپتادا سالىمشىلار ءۇشىن بۇل قىزمەت قولجەتىمدى بولادى دەپ ويلايمىز», دەدى ەدىل مەدەۋ.
اگەنتتىك مالىمەتىنشە, ينۆەستيتسيالىق پورتفەلدى باسقارۋعا ارنالعان ليتسەنزياسى بار 18 باسقارۋشى كومپانيانىڭ 6-ۋى بەكىتىلگەن تالاپتارعا سايكەس كەلەدى.
ولار:
1) «First Heartland Jysan Invest» اق
2) «BCC Invest» اق – «بانك تسەنتركرەديت» اق-تىڭ ەنشىلەس ۇيىمى»
3) «Halyk Global Markets» اق («قازاقستان حالىق بانكى» اق-تىڭ ەۇ)
4) «Halyk Finance» قازاقستان حالىق بانكىنىڭ ەۇ» اق
5) «First Heartland Capital» اق 6) «سەنتراس سەكيۋريتيز» اق ايتا كەتەرلىگى, سالىمشىلار زەينەتاقى جيناقتارىن ءبىر باسقارۋشى كومپانيادان ەكىنشىسىنە جىلىنا ءبىر رەتتەن ءجيى ەمەس بەرە الادى. ال زەينەتاقى جيناعىن ۇلتتىق بانكتىڭ باسقارۋىنا ەكى جىلدان كەيىن قايتارا الادى.
