ايماقتار • 17 اقپان، 2021

قوستاناي وبلىسىنىڭ اكىمى حالىققا ەسەپ بەردى

13 رەت كورسەتىلدى

بۇگىن قوستاناي وبلىسىنىڭ اكىمى ارحيمەد مۇحامبەتوۆ ايماق تۇرعىندارىنا ءوڭىردىڭ 2020 جىلعى الەۋمەتتىك-ەكونوميكالىق دامۋ قورىتىندىسى جونىندە ەسەپ بەرىپ، الدا اتقارىلۋى ءتيىس مىندەتتەردى اتاپ ءوتتى، دەپ حابارلايدى Egemen.kz.

ايماق باسشىسىنىڭ بايانداۋىنشا، وڭىردە ونەركاسىپ ءوندىرىسى 7،4%، اۋىل شارۋاشىلىعىنىڭ كولەمى 20،8%، ينۆەستيتسيالار 11،0%، قۇرىلىس جۇمىستارى 28،4%، حالىقتى باسپانمەن قامتۋ 13،1%-عا وسكەن.

وبلىس اكىمى ءار سالاعا جەكە توقتالىپ ءوتتى. مىسالى، بىلتىر اۋىل شارۋاشىلىعىنىڭ ناقتى كولەم يندەكسى 120،8%-كە جەتكەن. جالپى ءونىم كولەمى - 572،0 ملرد تەڭگە.

«مال شارۋاشىلىعىندا ءوسىم بايقالدى. ەت ءوندىرىسى 6،1%، ءسۇت - 2،0%-عا  ۇلعايدى. قوستاناي وبلىسى ەلىمىزدە ۇن ءوندىرىسى بويىنشا ءبىرىنشى ورىندا تۇر. مىسالى، بىلتىر 1 ملن توننا ۇن شىعاردىق. ءسۇت ءوندىرىسى بويىنشا 77 مىڭ توننا كورسەتكىشپەن ەكىنشى ورىندا تۇرمىز. ال سارى ماي ءوندىرىسى بويىنشا ءۇشىنشى ورىندامىز، بىلتىر 4 مىڭ توننا سارىماي وندىردىك.

قايتا وڭدەلگەن اۋىل شارۋاشىلىعى ونىمدەرىنىڭ ەكسپورتى بويىنشا وبلىس رەسپۋبليكادا ءبىرىنشى ورىن الاتىنىن اتاپ ءوتۋ ماڭىزدى. ءبىر جىل ىشىندە 1 ملن توننا ءداندى داقىلدار، 800،0 مىڭ توننا ۇن، 10 مىڭ توننا وسىمدىك مايى (قىتاي، رف، تاجىكستان، وزبەكستان)، 8 مىڭ تونناعا جۋىق ءسۇت ونىمدەرى (رەسەي، قىرعىزستان، تاجىكستان)، 168 توننا ەت جانە سورپالىق ەت ونىمدەرى (رەسەي)، 51 ملن. دانا جۇمىرتقا (رەسەي، اۋعانستان، قىرعىزستان) ەكسپورتتالدى. بۇل رەتتە، ەكسپورتتىق قورجىندا وسىمدىك مايىنىڭ كولەمى 2،8 ەسە، ۇن - 11%-عا ءوستى، - دەدى وبلىس اكىمى.

2020 جىلى اگروونەركاسىپتىك كەشەندى دامىتۋ سالاسىندا دا ايتارلىقتاي تابىستارعا قول جتەكەن. مىسالى، قۋاتى جىلىنا 20،0 مىڭ توننا قۇس ەتىن وندىرەتىن  قارابالىق قۇس فابريكاسىن قايتا جاڭعىرتىلدى، فەدوروۆ جانە جىتىقارا اۋداندارىندا 180 باسقا ارنالعان زاماناۋي 2 تاۋارلى-ءسۇت فەرماسى اشىلدى، سونداي-اق قوستاناي اۋدانىندا جۇمىس ىستەپ تۇرعان تاۋارلى-ءسۇت فەرماسى 740 باسقا دەيىن كەڭەيتىلدى.

بيىل ءسۇت باعىتىنداعى مال شارۋاشىلىعىن دامىتۋ باعدارلاماسى شەڭبەرىندە ارقايسىسى كەمىندە 400 باس ساۋىن سيىرعا شاقتالعان 6 تاۋارلى-ءسۇت فەرماسىن اشۋ جوسپارلانىپ وتىر. ونىڭ ەكەۋى قوستاناي اۋدانىندا، قالعانى بەيىمبەت مايلين، دەنيسوۆ، مەڭدىقارا جانە فەدوروۆ اۋداندارىندا اشىلادى.

ارحيمەد مۇحامبەتوۆ كۇزگى قۇس تۇماۋىنان كەيىن توقىراۋعا ۇشىراعان ارقالىق قۇس فابريكاسىنىڭ قىزمەتى قايتا جانداندىرىلعانىن ايتتى.

«قۇس تۇماۋىنا قارسى ۆەتەريناريالىق جويۋ ءىس-شارالارى ۋاقتىلى جۇرگىزىلدى، جۇمىرتقا باعىتىنداعى تاۋلىكتىك بالاپاندار اكەلىندى جانە جاقىن ارادا دۇكەندەردە ارقالىقتىڭ ساپالى جانە قولجەتىمدى جۇمىرتقاسى پايدا بولادى» - دەدى اكىم.

بيىل اوك سالاسىندا جالپى قۇنى 7،9 ملرد تەڭگە بولاتىن 9 ينۆەستيتسيالىق جوبا ىسكە اسىرىلىپ،  160-تان استام جۇمىس ورنى اشىلعان.

پاندەمياعا قاراماستان ءوڭىر ەكونوميكاسىندا بيىل تۇراقتى ءوسىم بولاتىنىنا سەنىم بىلدىرگەن وبلىس اكىمى: «كوروناۆيرۋستىق ينفەكتسيا پاندەمياسىمەن بايلانىستى سىرتقى فاكتورلاردىڭ اسەرىن ەسكەرە وتىرىپ، ءبىز ءوڭىردىڭ ماكروەكونوميكالىق كورسەتكىشتەرىن ورىنداۋ ءۇشىن قولدا بار بارلىق ءوسۋ رەزەرۆتەرىن ىسكە قوسامىز. 2020 جىلى دا، 2021 جىلى دا جالپى وڭىرلىك ءونىمنىڭ ءوسۋى كەمىندە 3،0% - ءتى قۇرايدى دەپ بولجاپ وتىرمىز. حالىقتىڭ ءومىر ءسۇرۋ ساپاسىن جاقسارتۋ ماقساتىندا ءوڭىردىڭ ودان ءارى الەۋمەتتىك-ەكونوميكالىق دامۋى بويىنشا جۇمىس جالعاستىرىلاتىن بولادى» - دەدى.

سوڭعى جاڭالىقتار

عارىشتان انىقتالعان قوقىستار

ەكولوگيا • بۇگىن، 08:24

ۆيرۋس جۇقتىرۋ توقتاماي تۇر

كوروناۆيرۋس • بۇگىن، 08:16

ءورت سوندىرگەن وجەتتەر

ايماقتار • بۇگىن، 08:12

ەرلىككە بەرگىسىز ەڭبەك

قوعام • بۇگىن، 08:09

جاساندى جۇرەك سالىندى

الەم • بۇگىن، 08:02

نۇروتاندىقتاردىڭ ايقىن جەڭىسى

ساياسات • بۇگىن، 07:43

شامانىڭ ءانى

ونەر • كەشە

سوتتالعان جىرلار

ادەبيەت • كەشە

9 اي «تولعاتقان» 9 پايىز

ەكونوميكا • كەشە

ۇقساس جاڭالىقتار