«اڭساعان ءسابي» مەملەكەتتىك باعدارلاماسى اعىمداعى جىلدىڭ قاڭتار ايىنان باستالدى. وسى باعدارلاما اياسىندا ەكو-عا بولىنەتىن كۆوتا سانى 7 ەسەگە – 7000-عا دەيىن ۇلعايتىلدى.
«الماتىعا 800 كۆوتا ءبولىندى. وعان قالالىق قوعامدىق دەنساۋلىق ساقتاۋ باسقارماسى جاۋاپتى. كەلەسى جىلى 300-350 كۆوتا دەپ مينيسترلىك تاراپىنان جوسپارلانىپ وتىر. رەسپۋبليكالىق بيۋدجەتتىڭ تاراپىنان كەلىپ جاتقان قارجى. ونىڭ كىمدەرگە بەرىلەتىنى قۇرىلىپ جاتقان كوميسسيا ارقىلى ماماندارمەن بىرگە باسقارمانىڭ توڭىرەگىندە شەشىلەدى», - دەدى قالا اكىمى.
ايتا كەتسەك, وتكەن جىلى قالادا ەكو-عا 130 كۆوتا بولىنگەن بولاتىن. ايەلدى ەكو-عا جىبەرۋ تۋرالى شەشىم قالالىق قوعامدىق دەنساۋلىق باسقارماسى جانىنان قۇرىلعان كوميسسيا وتىرىسىندا قابىلدانادى. بۇگىنگى كۇنى كەزەكتە 700-دەن استام ايەل تۇر.
