ايماقتار • 17 اقپان، 2021

نارىنقول، كەگەن، اقسۋ، سارقان، الاكول اۋداندارىنا گاز تارتىلادى

54 رەت كورسەتىلدى

الماتى وبلىسىندا 1،2 ملن ادام تۇراتىن 156 ەلدى مەكەنگە كوگىلدىر وتىن تارتىلعان. 2014-2020 جىلدارى ءوڭىردى گازداندىرۋعا 148 ملرد تەڭگە باعىتتالعان، سونىڭ 93 ملرد تەڭگەسى – جەكە ينۆەستيتسيا. بۇل تۋرالى بۇگىن جەتىسۋلىقتار الدىندا ەسەپ بەرگەن الماتى وبلىسىنىڭ اكىمى اماندىق باتالوۆ ايتتى، دەپ حابارلايدى Egemen.kz الماتى وبلىسى اكىمىنىڭ ءباسپاسوز قىزمەتىنە سىلتەمە جاساپ.

- تالدىقورعاندا گازداندىرۋدىڭ IV كەزەگى اياقتالدى، وتكەن جىلى جۇمىستى كۇشەيتىپ، گازعا 16 مىڭ ابونەنتتتى قوستىق. بارلىعى 54 مىڭ ابونەنتتىڭ 22 مىڭى قوسىلعان. بيىلعى جىلى وسى قارقىننان تۇسىرمەۋىمىز كەرەك، - دەدى ا. باتالوۆ.

ونىڭ ايتۋىنشا، بالقاش، قاراتال، كەربۇلاق، كوكسۋ، ەسكەلدى اۋداندارى مەن تەكەلى قالاسىندا كۆارتالىشىلىك جۇيەلەر سالىنۋدا.

«تالدىقورعان – ءۇشارال» جانە «شەلەك - كەگەن» ماگيسترالدى گاز قۇبىرىن سالۋدىڭ جسق-سىن دايىنداۋ اياقتالىپ، بۇل جوبادا اقسۋ، سارقان، الاكول، رايىمبەك، كەگەن اۋداندارى قامتىلادى. قۇرىلىس جۇمىستارى كەلەسى جىلعا دەيىن باستالادى، 2025 جىلعا قاراي گازداندىرۋ دەڭگەيى 76%-كە جەتكىزىلىپ، كوگىلدى وتىنعا قوسىلۋعا 1،5 ملن ادام مۇمكىندىك الادى.  

2018 جىلدان باستاپ شاعىن قالالارداعى كوپ قاباتتى ۇيلەردى گازبەن جۇمىس ىستەيتىن بلوكتى-ءمودۋلدى قازاندىقتار ورناتۋ جولىمەن ورتالىقتاندىرىلعان جىلۋ جۇيەسىنە قوسۋ ماسەلەسى شەشىلۋدە.

ءۇش جىل ىشىندە تالعار جانە قاسكەلەڭ قالالارىندا 4898 پاتەرلىك 152 ءۇي وسىنداي جۇيەگە قوسىلدى. ەسىك جانە جاركەنت قالالارىن قامتي وتىرىپ، بۇل مالەسە 2023 جىلعا قاراي تولىعىمەن شەشىلەدى. بۇل حالىقتىڭ ءومىر ساپاسىن كوتەرۋگە، ەكولوگيانى جاقسارتۋعا مۇمكىندىك بەرەدى.

سوندىقتان دا تالدىقورعاندا وتكەن جىلى ءبىز ەكى قازاندىقتى گازعا اۋىستىردىق، بيىلعى جىلى تاعى ەكەۋىن كوگىلدىر وتىنعا اۋىستىرامىز، سول سياقتى گازبەن جۇرەتىن 55 اۆتوبۋس ساتىپ الىپ جاتىرمىز. بۇل شارالار قورشاعان ورتانى لاستايتىن شىعارىندىلار كولەمىن ازايتىپ، قالانىڭ اۋاسىن تازا ۇستاۋعا جاعداي جاسايدى.

حالىقتى ساپالى اۋىز سۋمەن قامتۋ ءۇشىن جۇمىسپەن قامتۋ جول كارتاسىمەن وتكەن جىلى 84 اۋىلدا جالپى سوماسى 17 ملرد تەڭگەگە 109 جوبا ىسكە اسىرىلدى.

ورتالىقتاندىرىلعان اۋىز سۋمەن قامتۋ دەڭگەيى 98،3% جەتتى بۇل – رەسپۋبليكاداعى ەڭ جوعارعى كورسەتكىش. 2023 جىلعا قاراي 100%-كە جەتەدى.

سوڭعى جاڭالىقتار

قانشا ادام ۆاكتسينا سالدىردى؟

كوروناۆيرۋس • بۇگىن، 09:40

847 ادام كوروناۆيرۋس جۇقتىردى

كوروناۆيرۋس • بۇگىن، 09:00

ۇقساس جاڭالىقتار