الماتى اكىمى باقىتجان ساعىنتاەۆ قالانىڭ ەكولوگيالىق جاعدايىن جاقسارتۋ ءۇشىن قانداي شارالار قابىلدانىپ جاتقانىن ايتتى.
«قالانىڭ ەكولوگيالىق جاعدايى الماتى اكىمدىگىنىڭ جۇمىسىنداعى ماڭىزدى ماسەلەلەردىڭ ءبىرى. بۇل ۇلكەن كەشەندى جۇمىس, ەكولوگيالىق پروبلەمالاردى شەشۋگە بارلىق جاعىنان قاراۋ كەرەك. ەڭ باستىسى-جەو-2 گازعا اۋىستىرۋ تۋرالى شەشىم قابىلداندى. وتكەن جىلى بۇل ماسەلە شەشىلدى. گازعا كوشىرۋدىڭ ءارتۇرلى سحەمالارى بولدى, بيىل «سامۇرىقەنەرگو» جوبالاۋ-سمەتالىق قۇجاتتامانى دايىنداۋدا. 2022 جىلدان باستاپ ءاربىر التى اي سايىن ەكى قازاندىقتان جاڭعىرتۋ جۇرگىزىلەدى. 2025 جىلدىڭ سوڭىنا قاراي بارلىق سەگىز قازاندىق اگرەگاتىن گازعا كوشىرۋدى اياقتاۋ جوسپارلانۋدا. قارجىلاندىرۋدىڭ ءتيىستى سحەماسى مەن گاز جەتكىزۋ كولەمىن ۇكىمەت شەشىپ ۇلگەردى, ەنەرگەتيكا مينيسترلىگى «سامۇرىقەنەرگومەن» بىرگە بۇل ماسەلەمەن اينالىسىپ جاتىر. ءبىز قالا تۇرعىندارىنا باستامانى قولداعانى جانە بۇل ماسەلەنى ۇنەمى قاداعالاپ وتىرعاندارى ءۇشىن العىسىمىزدى بىلدىرەمىز», - دەپ جاۋاپ بەردى اكىم.
باقىتجان ساعىنتاەۆ سونداي-اق كولىكتەن بولىنەتىن قالدىقتار ماسەلەسى شەشىلىپ جاتقانىن ايتتى.
«بىزدە 500 مىڭنان استام كولىك تىركەلگەن جانە كۇن سايىن قالاعا 250 مىڭنان استام كولىك كىرەدى. ءبىز پاندەميا كەزىندە اۋا تازارعانىن كوردىك. قاپشاعاي, تالعار, قاسكەلەن تاراپىنان كەپتەلىس بولماۋى ءۇشىن ءبىز قالا بويىنشا جولايرىقتار سالىپ جاتىرمىز. يندۋستريا مينيسترلىگىمەن ءبىز جولداردى كەڭەيتۋ ماسەلەسىن پىسىقتاپ جاتىرمىز. ءبىز قالا ماڭىنان ەلەكتر پويىزدارىن ىسكە قوسۋدى ۇسىندىق, قازىرگى ۋاقىتتا جەكە قاراجات ەسەبىنەن تالعار بويىنشا كەلىسسوزدەر ءجۇرىپ جاتىر. ءدال وسىنداي جۇمىستى ءبىز قاسكەلەن جاعىنا قاراي جۇرگىزىپ جاتىرمىز, - دەيدى باقىتجان ساعىنتاەۆ.
قالانىڭ ەكولوگياسىن جاقسارتۋ ءۇشىن 2019 جىلى «جاسىل الماتى» باعدارلاماسى قابىلداندى, ونىڭ اياسىندا ءۇش جىل ىشىندە 1 ميلليون اعاش وتىرعىزۋ جوسپارلانۋدا.
«بۇل باعدارلامانى جاريالاعان كەزدە كوپتەگەن ادامدار بۇل ماسەلەگە كۇمانمەن قارادى. وتكەن جىلى ءبىز 300 مىڭعا جۋىق اعاش وتىرعىزدىق جانە بۇل جۇمىستى جالعاستىرامىز. جاسىل ەكونوميكا باسقارماسىنىڭ سايتى ارقىلى قالامىزدا قانشا اعاش بار ەكەنىن كورۋگە بولادى. ەكولوگيا ارقاشان ەرەكشە باقىلاۋدا», - دەپ اتاپ ءوتتى اكىم.
سونىمەن قاتار, الماتىلىق سايا قارسەن بوستاندىق اۋدانى مەن ىلە-الاتاۋ ساياباعىنىڭ شەكاراسىنداعى «سۋلپاك» دۇكەنى ماڭىنداعى اعاشتاردىڭ كەسىلۋىنە قاتىستى سۇراق قويدى.
«بۇل فاكت بويىنشا ءىس قر قپك 300-بابى بويىنشا وندىرىسپەن اياقتالدى جانە ءىس قالا پروكۋراتۋراسىنا جىبەرىلدى», - دەپ جاۋاپ بەردى الماتى قالاسى پوليتسيا دەپارتامەنتىنىڭ باستىعى قانات تايمەردەنوۆ.
