لەففەردىڭ ايتۋىنشا, گولوۆكين كەلەسى كەزدەسۋىن ماۋسىم ايىندا وتكىزۋى مۇمكىن, الايدا ناقتى قاي كۇنى وتەتىنى جانە كىمگە قارسى جۇدىرىقتاساتىنى بەلگىسىز.
سونداي-اق, ول گولوۆكيننىڭ ساۋل «كانەلو» الۆارەسپەن ءۇشىنشى مارتە جۇدىرىقتاسۋ ءۇشىن ەكىنشى ورتا سالماق دارەجەسىنە ءوتۋى مۇمكىن ەكەنىن جانە تارتىستى كەزدەسۋ ءۇشىن بارلىق ۇسىنىسقا كەلىسۋگە ءازىر ەكەنىن جەتكىزدى. دەسەك تە, پروموۋتەر گولوۆكيننىڭ 5 مامىردا مەكسيكالىق حايمە مۋنگياعا قارسى وتكىزۋى مۇمكىن كەزدەسۋى تۋرالى ناقتى ەشتەڭە ايتپادى. ەسەسىنە, ول گەننادي گولوۆكين مەن WBA تۇجىرىمى بويىنشا الەم چەمپيونى جاپوندىق ريوتا مۋراتا اراسىنداعى كەزدەسۋ قىزىقتى ءارى تارتىسقا تولى ءوتۋى مۇمكىن ەكەنىن, ەكى تاراپتىڭ بۇل جەكپە-جەكتى ۇيىمداستىرۋى ابدەن ىقتيمال ەكەنىن ايتتى.
