«نۇرتىلەۋ يمانعالي ۇلى سانالى عۇمىرىن قازاق تەلەۆيزياسىنىڭ وركەندەۋىنە ارنادى. ول قاتارداعى تىلشىدەن ۇلتتىق ارنانىڭ باسقارما توراعاسىنا دەيىنگى جولدان وتكەن ناعىز مايتالمان مامان بولاتىن. ونىڭ قوعامداعى كوكەيكەستى ماسەلەلەردى ارقاۋ ەتىپ, الەۋمەتتىك استارىن اشا بىلگەن ايشىقتى اۆتورلىق باعدارلامالارى ۇمىتىلماي, ەل ەسىندە قالادى. شەبەر جۇرگىزۋشى, سۇڭعىلا سۇحباتشى رەتىندە ەفيردەگى ەرەكشە بەينەسىمەن, وزىندىك بولمىس-بىتىمىمەن قالىڭ كورەرمەندى ۇيىتا بىلگەن تالانتتى دا تانىمال تۇلعا تاۋەلسىز ەلىمىزدىڭ تەلەجۋرناليستيكاسىن دامىتۋعا زور ۇلەس قوستى.
كوپشىلىكتىڭ كوزايىمىنا اينالىپ, ىقىلاسىنا بولەنگەن ابزال ازاماتتىڭ عيبراتتى عۇمىرى مەن جارقىن بەينەسى جۇرتشىلىق جادىندا ءاردايىم ساقتالادى دەپ سەنەمىن», - دەلىنگەن جەدەلحاتتا.
