توتەنشە حابارلاما الەۋمەتتىك جەلىدە 17 اقپان كۇنى تاڭەرتەڭ پايدا بولدى. وندا سوتتالۋشىنىڭ 15 اقپاندا قاشىپ كەتكەنى ايتىلعان. سول كۇنى ساعات 15-تەن 17-گە دەيىن ول ادۆوكاتپەن كەزدەسۋدە بولادى. كەزدەسۋدەن كەيىن ول دارەتحاناعا بارۋعا سۇرانادى, سودان كەيىن كەزدەسۋگە ارنالعان بولمەدە جاسىرىنادى. ول ارادان شامامەن ساعات 20:30-دا شىعىپ, اكىمشىلىك عيماراتتىڭ اكت زالىنداعى اپاتتىق جاعدايعا ارنالعان ەسىكتىڭ تەمىر قۇلپىن سىندىرىپ, مەكەمەنىڭ اكىمشىلىك عيماراتىنا قاراما-قارسى ورنالاسقان 1,5 مەترلىك قورشاۋدان سەكىرىپ قاشىپ كەتكەن.
قازاقستان رەسپۋبليكاسى ىشكى ىستەر مينيسترلىگىنىڭ قاج بۇل اقپاراتتى راستادى.
«بيىل 15 اقپاندا سوتتالۋشى 1987 جىلعى د.ت.داۆۋتوۆ لا-155/18 مەكەمەسىنەن (تەرگەۋ يزولياتورى) قاشىپ كەتتى. اتالعان فاكتى بويىنشا الماتى قالالىق پوليتسيا دەپارتامەنتى قر قىلمىستىق كودەكسىنىڭ 426-بابى (باس بوستاندىعىنان ايىرۋ ورىندارىنان, قاماۋدان نەمەسە كۇزەتتەن قاشۋ) بويىنشا سوتقا دەيىنگى تەرگەۋدى باستادى, جەدەل-ىزدەستىرۋ شارالارى جۇرگىزىلۋدە. وقيعانىڭ سەبەپتەرى مەن ءمان-جايلارىن انىقتاۋ ءۇشىن قاج كوميتەتى باسشىلىعىنىڭ باسشىلىق ەتۋىمەن قىزمەتتىك تەكسەرۋ تاعايىندالدى, ونىڭ ناتيجەلەرى بويىنشا لاۋازىمدى ادامدارعا قاتىستى ءتيىستى شارالار قولدانىلادى», دەلىنگەن حابارلامادا.
