قوسىمشا تولەۋ مەرزىمىن وتكىزىپ الۋ سەكىلدى ماسەلەنى بولدىرمايدى. سونىمەن قاتار, دەرەكتەردى تولتىرۋدا قاتەلىكتەردىڭ الدىن الادى.
«قازىرگى سەرۆيس جىلجىمايتىن م ۇلىك وبەكتىلەرى, كولىك قۇرالدارى, جەر ۋچاسكەلەرى بويىنشا «ازاماتتارعا ارنالعان ۇكىمەت» اق, ءىىم اكىمشىلىك پوليتسيا كوميتەتىنىڭ جانە اۋىل شارۋاشىلىعى مينيسترلىگىنىڭ مەملەكەتتىك جەر كاداسترىنىڭ اۆتوماتتاندىرىلعان اقاپاراتتىق جۇيەلەرىمەن ينتەگراتسيالانعان», دەدى دەپارتامەنت باسشىسى.
ايتا كەتەيىك, قوسىمشادا ارتىق تولەمدى باسقارۋ سەرۆيسى دە ىسكە قوسىلعان. ياعني, بۇل سەرۆيس ءبىر سالىقتان ارتىق تولەمدى باسقا سالىقتارعا اۋدارىپ وتىرادى. قاراجات بانكتىك شوتقا 5 جۇمىس كۇنىندە قايتارىلادى. سونداي-اق, قوسىمشادا «قىزمەتكەردىڭ ەڭبەگىنە اقى تولەۋ» سەرۆيسى دە بار. ول ارقىلى ءار ادام ەڭبەك اقىسىنان ەسەپتەلگەن جەكە تابىس سالىعىنىڭ, زەينەتاقى جارنالارىنىڭ, مىندەتتى الەۋمەتتىك جانە مەديتسينالىق ساقتاندىرۋ اۋدارىمدارىن تەكسەرە الادى.
