ايماقتار • 16 اقپان، 2021

ومىرزاق شوكەەۆ: جول كارتاسى وبلىستاعى وزەكتى ماسەلەلەردى شەشەدى

36 رەت كورسەتىلدى

تۇركىستان وبلىسىندا 2025 جىلعا دەيىن 111 مەديتسينالىق نىسان، 266 مەكتەپ، 15 بالاباقشا، 236 سپورت، 27 مادەنيەت نىسانى سالىنادى. بۇل جوبالاردىڭ جۇزەگە اسىرىلۋىنا Nur Otan پارتياسىنىڭ فراكتسياسى تىكەلەي اتسالىسادى. بۇل جونىندە Nur Otan پارتياسى تۇركىستان وبلىستىق ماسليحاتىنداعى فراكتسيا وتىرىسىندا ايتىلدى.

جيىندا پارتيانىڭ «وزگەرىستەر جولى: ء ار ازاماتقا لايىقتى ءومىر!»  سايلاۋالدى باعدارلاماسىن ورىنداۋ جونىندەگى جول كارتاسى تالقىلاندى. وبلىس اكىمى، پارتيا فيليالىنىڭ توراعاسى ومىرزاق شوكەەۆ جول كارتاسىندا ايماقتاعى ەڭ وزەكتى ماسەلەلەر مەن جوسپارلار قامتىلعانىن اتاپ ءوتتى. قۇجاتقا 26 كورسەتكىش پەن 128 ءىس-شارا ەنگىزىلگەن. «بۇگىن سايلاۋالدى باعدارلامانى جۇزەگە اسىرۋدىڭ «جول كارتاسى»ۇسىنىلىپ وتىر.  بۇل – مەملەكەت باسشىسىنىڭ تىكەلەي باقىلاۋىندا تۇرعان تاپسىرما. سوندىقتان سايلاۋالدى باعدارلامانى ساپالى ءارى ۋاقتىلى اتقارۋ قاجەت. جول كارتاسىن جۇزەگە اسىرۋ بارىسىندا 5 جىلدا وبلىستا 40 مىڭعا جۋىق جاڭا جۇمىس ورنى اشىلادى. 152 جاڭا كاسىپورىن اشۋ جانە كەڭەيتۋ ارقىلى شاعىن جانە ورتا بيزنەس سۋبەكتىلەرىنىڭ سانى 350 مىڭعا جاقىندايدى. اۋىل شارۋاشىلىعىن قولداۋ كۇشەيءىپ، 53 فەرما، 900 مال بورداقىلاۋ الاڭى قۇرىلادى. بەس جىلدا 21 مىڭنان استام پاتەر ەل يگىلىگىنە بەرىلەدى. «جول كارتاسى» وبلىستاعى ەڭ وزەكتى ماسەلەلەردى شەشەدى. پارتيالاستارعا، جەرگىلىكتى جاۋاپتى باسشىلارعا وسى تاپسىرمالاردى جۇيەلى ورىنداۋدى تاپسىرامىن»، دەدى ومىرزاق شوكەەۆ.

ال وبلىستىق ستراتەگيا جانە ەكونوميكالىق دامۋ باسقارماسى باسشىسىنىڭ مىندەتىن اتقارۋشى كۇمىسبەك جاپپاروۆ «جول كارتاسىنداعى» نەگىزگى ينديكاتورلار مەن جوسپارلاردى باياندادى. ەءلدىڭ ۇسىنىس-تىلەكتەرى ەسكەرىلگەن قۇجاتتا Nur Otan پارتياسىنىڭ 2021-2025 جىلدارعا ارنالعان سايلاۋالدى باعدارلاماسىنا سايكەس، اۋىل شارۋاشىلىعى، تۋريزم، ينۆەستيتسيا تارتۋ، ايماقتاردى وركەندەتۋ، دەنساۋلىق ساقتاۋ، ءبىلىم، ينفراقۇرىلىم، قۇرىلىس سالالارىن دامىتۋ، جاڭا جۇمىس ورىندارىن اشۋ باعىتتارىنا باسىمدىق بەرىلگەن. سونىمەن بىرگە تۇركىستان قالاسىن تۇركى الەمىنىڭ رۋحاني-مادەني ورتالىعىنا اينالدىرۋ مىندەتى دە كورىنىس تاپقان. پارتيانىڭ وبلىستىق فيلالى توراعاسىنىڭ ءبىرىنشى ورىنباسارى، فراكتسيا جەتەكشىسى بەيسەن تاجىباەۆتىڭ بايانداۋىنشا، فراكتسياداعى 37 دەپۋتاتقا جول كارتاسىنىڭ سالالارى بويىنشا ناقتى مىندەتتەر جۇكتەلگەن. «وسى جوسپار نەگىزىندە وبلىستىڭ ءاربىر اۋدان، قالاسىن، ەلدى مەكەندەرىن جان-جاقتى دامىتۋ كوزدەلىپ وتىر. «جول كارتاسىنىڭ» ءاربىر تارماعىنا جاۋاپتى دەپۋتاتتار بەكىتىلگەن»،  دەءدى بەيسەن داۋلەت ۇلى.

ماجىلىسكە قاتىسقان فراكتسيا مۇشەلەرى پارتيانىڭ سايلاۋالدى باعدارلاماسىن جۇزەگە اسىرۋعا ارنالعان جول كارتاسىن ءبىراۋىزدان قولداپ، وبلىستىق ساياسي كەڭەس بيۋروسىنا بەكىتۋگە ۇسىندى.

 

 

تۇركىستان وبلىسى

سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ماۋلەن اشىمباەۆ قىتاي حالقىنا كوڭىل ايتتى

پارلامەنت • 02 جەلتوقسان، 2022

شەكارانى بۇكىل ەل قورعايدى

قوعام • 02 جەلتوقسان، 2022

ۇقساس جاڭالىقتار