وڭىرلىك كوممۋنيكاتسيالار قىزمەتىندە وتكەن بريفينگتە وبلىستىق جولاۋشىلار كولىگى جانە اۆتوموبيل جولدارى باسقارماسىنىڭ باسشىسى رولان يبراگيموۆ بيىل جەرگىلىكتى ماڭىزى بار اۆتوموبيل جولدارىنىڭ جاقسى جانە قاناعاتتى جاعدايداعى ۇلەسىن 79 پايىزدان 81,4%-عا ارتتىرۋ كوزدەلءىپ وتىرعانىن مالىمدەدى. وبلىستا اۆتوموبيل جولدارى مەن ەلدى مەكەن كوشەلەرىنىڭ جالپى ۇزىندىعى 17 286,6 شاقىرىمعا جەتكەن.«وتكەن جىلى جالپى 868 نىسان نەمەسە 1 974,8 شاقىرىم جول مەن ەلدى مەكەن كوشەلەرى قۇرىلىس-جوندەۋ جۇمىستارىمەن قامتىلدى. جىل قورىتىندىسىمەن 828 نىسان, تيىسىنشە 1 525,4 شاقىرىم جول پايدالانۋعا بەرىلدى. بۇدان وزگە, بىلتىر وبلىستىق ماڭىزى بار اۆتوموبيل جولدارىنىڭ بويىنا 16 شاقىرىم – ۆەلوجول, 110,2 شاقىرىم – اياقجول, 4 621 دانا جارىق شامدار ورناتىلدى», دەدى باسقارما باسشىسى.
سونىمەن قاتار ماقتاارال اۋدانىندا ورىن العان توتەنشە جاعداي سالدارىنان سۋ باسقان 47,6 شاقىرىم جول مەن 4 كوپىرگە, ال تولەبي اۋدانىندا جاۋعان جاۋىن سالدارىنان زاقىمدانعان 14 شاقىرىم جول مەن سۋ شايىپ كەتكەن 3 كوپىرگەجوندەۋ جۇمىستارى جۇرگىزىلىپ, قالپىنا كەلتىرىلگەن.
تۇركىستان وبلىسى
