ايماقتار • 15 اقپان، 2021

قىزىلوردادا تەمىر جول پاركى پايدالانۋعا بەرىلدى

36 رەت كورسەتىلدى

بۇگىن قىزىلوردا قالاسى اكىمىنىڭ ورىنباسارى اسقاربەك ەسجانوۆ وبلىس ورتالىعىنداعى اباتتاندىرۋ جۇمىستارى جۇرگىزىلىپ جاتقان بىرقاتار نىسانداردى ارالادى. ارالاۋدا الدىمەن قايتا جاڭعىرتۋدان وتكەن تەمىر جول پاركىنىڭ سالتاناتتى اشىلۋ راسىمىنە قاتىستى.

قايتا جاڭعىرتىلعان پاركتە قالا تۇرعىندارى ءۇشىن ۆولەيبول، باسكەتبول، تەننيس جانە سپورتتىق جاتتىعۋ الاڭدارى مەن سۋبۇرقاق سالىنعان. 

اشىلۋ سالتاناتىندا ءسوز العان اسقاربەك تەمىربەك ۇلى جاڭارعان ساياباقتىڭ زاماناۋي كەسكىنىنە ەرەكشە توقتالىپ، ەسكىنىڭ ەستەلىكتەرىن كونەنىڭ كوزىندەي ساقتاپ، بۇگىنگى كۇنگە ماڭىزىن جوعالتپاي جەتكىزگەن قۇرىلىسشىلارعا العىس ءبىلدىردى. سونىمەن بىرگە ساياباق ەل يگىلىگىنە ۇزاق جىلدار قىزمەت ەتىپ، كەلۋشىلەرگە قولايلى دەمالىس ورتاسىنا اينالارىنا سەنىم بىلدىرەتىندىگىن جەتكىزدى.

ع.مۇراتباەۆ اتىنداعى ورتالىق ستاديوننىڭ اۋماعىن اباتتاندىرۋ قالادا اتقارىلىپ جاتقان اۋقىمدى جۇمىستاردىڭ ءبىرى. قازىر وندا 9 مىڭ شارشى مەتر جەرگە كەسپە تاس توسەۋ جۇمىستارى جۇرگىزىلۋدە. كەلەسى كەزەكتە ورىندىقتار مەن تۇنگى جارىق شامدار ورناتىلماق. اتالعان اۋماقتى جاڭعىرتۋعا 65 ادام جۇمىسقا تارتىلىپ، قۇرىلىس جۇمىستارىن ماۋسىم ايىندا اياقتاۋ جوسپارلانۋدا.

 

 

سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار