بايقاۋدا وقۋشىلار «باتىرلار ۇرانى», «Girl on fire» اتتى اندەردى ايتىپ, ۆوكال نوميناتسياسى بويىنشا سىنعا ءتۇستى. سەگىزىنشى سىنىپ وقۋشىلارى ءۋاليحان يبادۋللا مەن سىرسۇڭقار بازارباي ۇلى ءى ورىندى يەلەنسە, 9-سىنىپتىڭ ءبىلىم الۋشىسى جانسايا جولداسبەك ءىى ورىنمەن ماراپاتتالدى.
20 مەملەكەتتىڭ ونەرپازدارىنىڭ باسىن قوسقان بۇل كوپجانرلى بايقاۋدا بالالار شىعارماشىلىعىن بەلگىلى مۋزىكانتتاردان قۇرالعان قازىلار القاسى باعالادى.
– جەڭىمپاز وقۋشىلار – بلىممەن قاتار ونەردى الىپ جۇرگەن مەكتەپتىڭ بەلسەندىلەرى. ءبىرى بۇرىننان ءان سالسا, ەندى ءبىرى مەكتەپكە كەلگەلى ۆوكالدىق داعدىلارىن دامىتۋدا. بۇل جەتىستىكتەرى الداعى ۋاقىتتا جاڭا بەلەستەردى باعىندىرۋعا ۇلكەن سەپ بولادى, – دەيدى ءان-اۋەز ءپانىنىڭ مۇعالىمى جاراسبەك وتەباەۆ.
ايتا كەتەيىك, جۇلدەلى ورىنداردى يەلەنگەن وقۋشىلار مامىر ايىندا يسپانيادا وتەتىن «SEA SUN FESTIVAL» حالىقارالىق فەستيۆالىنە جەڭىلدىكپەن قاتىسۋ مۇمكىندىگىنە يە بولدى.
