وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە, جۇرگىزۋشى ورتەنگەن كولىگىن وقيعا ورنىندا تاستاپ, كەتىپ قالعانى بەلگىلى بولدى.
«كەشە, 14 اقپاندا ساعات 04:20 شاماسىندا «اتىراۋ-استراحان» باعىتىنداعى تاس جولىنىڭ اينالما بۇرىلىسىندا «Chevrolet Cobalt» اۆتوكولىگى جول جيەگىندەگى بورديۋرگە سوقتىعىسقان. جۇرگىزۋشى سونىڭ سالدارىنان ورتەنگەن كولىكتى وقيعا ورنىندا قاراۋسىز قالدىرىپ كەتكەن. قازىر اتىراۋلىق پوليتسەيلەر كولىك جۇرگىزۋشىسىن ىزدەستىرىپ جاتىر», دەپ حابارلادى دەپارتامەنتتىڭ ءباسپاسوز قىزمەتىنەن.
