ول ەنەرگەتيكا, تۇرعىن ءۇي-كوممۋنالدىق شارۋاشىلىق, جۇمىلدىرۋ دايىندىعى, حالىقتى جۇمىسپەن قامتۋ جانە الەۋمەتتىك قورعاۋ ماسەلەلەرىنە, سونداي-اق ەڭبەك قاتىناستارىنا قاتىستى ماسەلەلەرگە جەتەكشىلىك ەتەتىن بولادى.
ەرمەك الپىسوۆ 1971 جىلى سولتۇستىك قازاقستان وبلىسىندا دۇنيەگە كەلگەن. ەكى جوعارى ءبىلىمى بار: اباي اتىنداعى الماتى مەملەكەتتىك ۋنيۆەرسيتەتىن جانە ءى.جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتىن تامامداعان. ماماندىعى بويىنشا گەوگرافيا جانە بيولوگيا پاندەرىنىڭ وقىتۋشىسى, ەكونوميست.
ەڭبەك جولىن 1993 جىلى الماتى قالاسىنداعى №156 ورتا مەكتەپتە باستادى. 2001 جىلدان باستاپ ەرمەك الپىسوۆ مەملەكەتتىك قىزمەتتە. الماتى وبلىستىق قورشاعان ورتانى قورعاۋ باسقارماسىنىڭ جەتەكشى باس مامانى, ينسپەكتورى, ءبولىم باستىعى قىزمەتتەرىن اتقارعان. 2004-2008 جىلدارى الماتى وبلىسى اقسۋ اۋدانى اكىمىنىڭ ورىنباسارى بولدى. 2008-2012 جىلدارى تالدىقورعان قالاسى اكىمىنىڭ ورىنباسارى بولىپ ەڭبەك ەتكەن. 2012-2015 جىلدارى تالدىقورعان قالاسىنىڭ اكىمى قىزمەتىن اتقاردى.
سونداي-اق, قازاقستان پرەزيدەنتى اكىمشىلىگىنىڭ مەملەكەتتىك باقىلاۋ جانە اۋماقتىق-ۇيىمداستىرۋ جۇمىسى ءبولىمىنىڭ مەملەكەتتىك ينسپەكتورى, مەڭگەرۋشىسىنىڭ ورىنباسارى بولىپ جۇمىس ىستەدى.
ال قاراعاندى وبلىسى اكىمىنىڭ ورىنباسارى قىزمەتىن اتقارعان الىشەر ابدىقادىروۆ قايتا تاعايىندالۋىنا بايلانىستى قىزمەتىنەن بوساتىلدى. ول ۇلتتىق ەكونوميكا ۆيتسە-ءمينيسترى بولدى.
