«قىسقا مەرزىم ىشىندە 200 ورىندىق جاڭا جۇقپالى اۋرۋلار اۋرۋحاناسى سالىنىپ, جوعارى تەحنولوگيالىق مەديتسينالىق جابدىقتارمەن جاراقتاندىرىلدى. بۇدان باسقا, ەسەپتىك جىلى ءۇش نىساننىڭ قۇرىلىسى اياقتالدى. بۇلار كوكشەتاۋ قالاسىنداعى ونكولوگيالىق ەمحانا, تسەلينوگراد اۋدانىنىڭ سوفيەۆكا جانە شورتاندى اۋدانىنىڭ ستەپنوە اۋىلدارىنداعى دارىگەرلىك امبۋلاتوريالار. 2021 جىلى قوسشى اۋىلىندا جاڭا ەمحانانى ىسكە قوسۋ جوسپارلانعان. قاراوتكەل اۋىلىندا دارىگەرلىك امبۋلاتوريا مەن تسەلينوگراد اۋدانىنىڭ قوياندى ەلدى مەكەنىندە العاشقى مەديتسينالىق-سانيتارلىق كومەك ورتالىعىنىڭ قۇرىلىسى اياقتالۋعا جاقىن. كوكشەتاۋ قالاسىنداعى سارىارقا شاعىن اۋدانىندا 630 ورىندىق زاماناۋي كوپبەيىندى اۋرۋحانانىڭ قۇرىلىسى اۋقىمدى جوبا جۇزەگە اسىرىلا باستادى», دەپ اتاپ ءوتتى ايماق باسشىسى.
ە.مارجىقپاەۆتىڭ ايتۋىنشا, «جۇمىسپەن قامتۋ جول كارتاسى» باعدارلاماسى شەڭبەرىندە قۇنى 1,5 ميلليارد تەڭگە سوماسىنا سەگىز دەنساۋلىق ساقتاۋ نىسانىنا كۇردەلى جوندەۋ جۇمىستارى جۇرگىزىلدى. استراحان, ساندىقتاۋ جانە ەگىندىكول اۋداندىق اۋرۋحانالارىندا تولىق دەرلىك جاڭعىرتىلدى.
