جيىن سوڭىندا جەدەل شتاب 15-اقپاننان باستاپ وبلىستا بىرقاتار جەڭىلدىكتەر ەنگىزۋ تۋرالى ۇيعارىمعا كەلدى.
بۇل تۋرالى ايماق باسشىسى الەۋمەتتىك جەلىدەگى ءوزىنىڭ جەكە پاراقشاسىندا: «بۇگىنگى وتىرىستا مونيتورينگتىك توپتاردىڭ جۇمىسىن قاراستىردىق. سونداي-اق, كەلىپ تۇسكەن ۇسىنىستاردى قاراپ شىعىپ, شتاب 2021 جىلعى 15 اقپاننان باستاپ كەلەسى جەڭىلدىكتەردى ەنگىزۋ تۋرالى شەشىم قابىلدادى:
- اپتانىڭ بارلىق كۇندەرىندە شاشتارازدار, سۇلۋلىق سالوندارى, مانيكيۋر, پەديكيۋر, كوسمەتولوگتىڭ جۇمىسىنا رۇقسات ەتۋ;
- جەكسەنبىدەن باسقا كۇندەرى سوو, سۋپەرماركەتتەر, گيپەرماركەتتەر, اۋدانى 2000 شارشى مەتردەن اساتىن ازىق-ت ۇلىككە جاتپايتىن تاۋارلار ساتاتىن دۇكەندەرگە ساعات 10-نان 23-كە دەيىن جۇمىس ىستەۋگە رۇقسات ەتىلدى;
- قوعامدىق تاماقتانۋ نىساندارى قىزمەت كورسەتۋ مۇمكىندىگىنىڭ 50%-ىن پايدالانىپ اپتانىڭ بارلىق كۇندەرى ساعات 7-دەن 24-كە دەيىن جۇمىس ىستەي الادى. بىراق ورىندىقتار سانى 30-دان اسپاۋى كەرەك;
- قالالىق قوعامدىق كولىكتەر اپتانىڭ بارلىق كۇندەرى جۇمىس ىستەيدى;
- اپتانىڭ بارلىق كۇندەرى ساعات 7-دەن 22-گە دەيىن جابىق سپورتتىق-ساۋىقتىرۋ جانە فيتنەس ورتالىقتارىنا قىزمەت كورسەتۋ مۇمكىندىگىنىڭ 30%-ىن پايدالانا وتىرىپ جۇمىس ىستەۋىنە رۇقسات ەتىلەدى;
- مادەنيەت نىساندارىندا 30 ادامعا دەيىنگى ۇجىمداردىڭ دايىندىق جۇمىستارىن جۇرگىزۋىنە رۇقسات ەتىلەدى;
- تەاترلاردىڭ, كينوتەاترلاردىڭ جۇمىس ىستەۋىنە رۇقسات ەتىلەدى. بىراق بۇل نىساندار كورەمەن قابىلداۋ مۇمكىندىگىنىڭ 20%-ىن عانا پايدالانا الادى. ياعني, ءبىر قويىلىمعا 100 ادام قابىلداي الاتىن تەاترلارعا 20 ادام عانا كىرە الادى;
- فۋدكوردتار ءۇشىن تاعامدى بەرىپ جىبەرۋگە نەمەسە جەتكىزىپ بەرۋگە عانا رۇقسات ەتىلەدى», دەپ جازدى.
