قىتايدىڭ وزىندە وتشاشۋلار مەن جاپپاي مەرەكەلىك شارالار الىنىپ تاستالدى, قالاارالىق ساياحاتتارعا تىيىم سالىنادى, ەلگە كەلگەن ازاماتتار ەكى اپتالىق كارانتيننەن ءوتۋى شارتى ەنگىزىلدى.
ال جاپونيا ۆاكتسيناتسيا ناۋقانىنا ازىرلەنىپ جاتىر.
«ۆاكتسيناتسيانى كەلەسى اپتانىڭ ورتاسىندا باستايمىز», دەدى ەلدىڭ پرەمەر-ءمينيسترى ەسيحيدە سۋگا.
جاپوندىقتار Pfizer ۆاكتسيناسىن قولدانباق. الدىمەن مەديتسينا قىزمەتكەرلەرى, سودان كەيىن, شامامەن ءساۋىر ايىندا ەگدە جاستاعى ادامدارعا ەگى جوسپارلانعان.
بۇدان بولەك, سەربيا جىل سوڭىنا دەيىن رەسەيلىك «Sputnik V» ۆاكتسيناسىنىڭ ءوندىرىسىن جولعا قويۋى مۇمكىن. سەربيا بيلىگى جاڭا كاسىپورىن سالۋ مەن جابدىق ساتىپ الۋعا قاجەتتى قاراجاتتى بولۋگە دايىن ەكەندىكتەرىن مالىمدەدى. ەلدە پرەپاراتتىڭ وراما ءوندىرىسى ەكى-ءۇش ايدان كەيىن باستالادى دەپ كۇتىلۋدە, سودان كەيىن تولىق وندىرىستىك تسيكل ىسكە قوسىلماق.
سونىمەن قاتار گەرمانيا مۋتاتسيالانعان كوروناۆيرۋستىڭ ءوز اۋماعىنا ەنۋىنە جول بەرمەۋ ءۇشىن چەحيامەن جانە اۆستريامەن شەكارالىق باقىلاۋدى كۇشەيتتى. چەحيادا قازىر بريتاندىق شتامم, ال اۆستريانىڭ تيرول فەدەرالدى شتاتىندا وڭتۇستىك افريكا شتاممىنىڭ ءورشۋى تىركەلگەن.
پورتۋگاليادا وقشاۋلانۋ رەجيمى 1 ناۋرىزعا دەيىن جالعاسادى. بيلىك مۇنداي شەشىمدى پاندەميا باستالعالى تىركەلگەن ەلدەگى ىندەتتىڭ جىلدام ورشۋىنە بايلانىستى قابىلدادى. قاڭتاردىڭ ورتاسىنان باستاپ مەكتەپتەر مەن كوپتەگەن كاسىپورىندار جابىلعان, ال جۇمىس ىستەي الاتىنداردىڭ بارلىعىنا قاشىقتىقتان جۇمىس ىستەۋ ەنگىزىلدى.
ال ۆەنگريا بيلىگى كۆي-دەن جازىلعان ادامدارعا, سونداي-اق كوروناۆيرۋسقا قارسى ۆاكتسينا قابىلداعان ادامدارعا ارنايى سەرتيفيكاتتار ەنگىزبەكشى. ەكى قۇجاتتا اقىسىز راسىمدەلىنەدى, بىراق ولاردىڭ قانداي قۇقىقتار بەرەتىنى ازىرگە بەلگىسىز.
