ونىڭ ايتۋىنشا, قازاقستاندا 2019 جىلمەن سالىستىرعاندا ورمانمەن قامتىلعان القاپ 188 مىڭ گەكتارعا ۇلعايدى.
«مەملەكەت باسشىسىنىڭ ورمان قورىندا 5 جىل ىشىندە 2 ملرد. اعاش وتىرعىزۋ جونىندەگى تاپسىرماسىن ورىنداۋ اياسىندا وبلىس اكىمدىكتەرىمەن بىرلەسىپ وڭىرلەر بويىنشا ورمانداردى مولىقتىرۋ مەن ورمان ءوسىرۋ جونىندەگى كەشەندى جوسپارلار ازىرلەنىپ, بەكىتىلدى. ورمان وتىرعىزۋدىڭ ەڭ كوپ كولەمى تۇركىستان, قىزىلوردا جانە جامبىل وبلىستارىندا, سونداي - اق سەمەي مەن ەرتىس ورمانى ورمان رەزەرۆاتتارىنىڭ اۋماعىندا بولجانىپ وتىر»,-دەدى ءوز سوزىندە ۆيتسە-مينيستر.
ول مينيسترلىكتىڭ ورمان شارۋاشىلىعى جانە جانۋارلار دۇنيەسى كوميتەتىنىڭ تابيعات قورعاۋ مەكەمەلەرىنىڭ جانە وبلىس اكىمدىكتەرىنىڭ ورمان قورعاۋ مەكەمەلەرىنىڭ كۇشىمەن 5 جىل ىشىندە 843 مىڭ گا الاڭدا 1,7 ملرد. اعاش وتىرعىزىلاتىنىن اتاپ ءوتتى. كورسەتىلگەن شارالار 2030 جىلعا قاراي ەلدىڭ ورماندىلىعىن 5% - عا دەيىن جەتكىزۋگە مۇمكىندىك بەرەدى.
«مەملەكەتتىك ورمان قورى اۋماعىندا ورمان ورتتەرىنىڭ 701 جاعدايى تىركەلدى, ولاردىڭ اۋدانى 41,8 مىڭ گا قۇرادى, رەسپۋبليكا بويىنشا جالپى زالال - 2,1 ملرد.تەڭگە», - دەپ مالىمدەدى ەرلان نىسانباەۆ.
ورمان ورتتەرىنىڭ ەڭ كوپ اۋداندارى جامبىل, شىعىس قازاقستان, باتىس قازاقستان, پاۆلودار جانە تۇركىستان وبلىستارىندا, سونداي-اق «سەمەي ورمانى» رەزەرۆاتىنىڭ اۋماعىندا تىركەلگەن.
ۆيتسە-مينيستر وتكەن جىلى زاڭسىز اعاش كەسۋ سانى 25% - عا تومەندەگەنىن, الايدا زاڭسىز كەسىلگەن اعاش كولەمىنىڭ ءوسۋى تىركەلگەنىن حابارلادى.
«اعاشتاردى زاڭسىز كەسۋ, جويۋ جانە ءبۇلدىرۋ جاۋاپكەرشىلىگىن ارتتىرۋ ماقساتىندا قولدانىستاعى زاڭناماعا ايىپپۇلداردى ۇلعايتۋ جانە بۇزۋشىلارعا سانكتسيالاردى قاتاڭداتۋ بولىگىندە وزگەرىستەر مەن تولىقتىرۋلار ەنگىزىلدى», - دەپ تولىقتىردى ءمينيستردىڭ ورىنباسارى.
2020 جىلدىڭ قورىتىندىلارىنىڭ قاتارىندا «وسىمدىكتەر الەمى تۋرالى» زاڭ جوباسىن ازىرلەۋ دە بار.
سونىمەن قاتار, ۆيتسە-مينيستر ۇلتتىق پاركتەردە ەكولوگيالىق ءتۋريزمدى دامىتۋعا كوپ كوڭىل بولىنگەنىن اتاپ ءوتتى.
«الماتى توبىنداعى ىلە - الاتاۋ, كولساي-كولدەرى, شارىن, التىن ەمەل سياقتى ءتورت مەملەكەتتىك ۇلتتىق تابيعي پاركتەردىڭ تۇجىرىمداماسى قابىلداندى. وسى ۇلتتىق پاركتەردىڭ جانىنان قوعامدىق كەڭەستەر قۇرىلدى. 2020 جىلى ىلە-الاتاۋ ۇلتتىق پاركىندە جوبانى جۇزەگە اسىرۋعا 900 ملن.تەڭگە ينۆەستيتسيالاندى», - دەدى ەرلان نىسانباەۆ.
وسى جۇمىستار شەڭبەرىندە 2025 جىلعا قاراي ۇلتتىق پاركتەردىڭ الماتى توبىنا جەكە ينۆەستيتسيالاردىڭ كولەمى 31 ملرد.تەڭگەنى قۇرايدى, ۇلتتىق پاركتەردىڭ رەكرەاتسيالىق جۇكتەمە نورمالارىن ەسكەرە وتىرىپ, تۋريستەردىڭ كۇتىلەتىن اعىنى 2 ملن. ادامنان اسادى دەپ كۇتىلۋدە.
ورمان شارۋاشىلىعىن, ەرەكشە قورعالاتىن تابيعي اۋماقتاردى دامىتۋعا جانە بيوارتۇرلىلىكتى ساقتاۋعا باعىتتالعان «جاسىل قازاقستان» ۇلتتىق جوباسىن ازىرلەۋ جوسپاردا بار.
