اڭگىمەلەسۋ بارىسىندا وتاندىق ديپلومات قازاقستان تاۋەلسىزدىگىنىڭ 30 جىلدىعىن مەرەكەلەۋگە دايىندىق تۋرالى, سونداي-اق ەلشىلىك جۇمىسىنىڭ باسىم باعىتتارى تۋرالى, ونىڭ ىشىندە شەتەلدەگى قانداستاردى قولداۋ ماسەلەلەرى بويىنشا اقپارات بەردى.
وسى تۇرعىدا ۋكرايناداعى قازاق دياسپوراسىن بىرلەسكەن ءىس-شارالار ارقىلى ودان ءارى بىرىكتىرۋ ماسەلەلەرى تالقىلاندى. جينالىسقا قاتىسۋشىلاردىڭ ورتاق پىكىرى بويىنشا, بيىلعى جىلدىڭ باستى وقيعالارىنىڭ ءبىرى ۋكراينا قازاقتارىنىڭ قۇرىلتايى بولادى, ونىڭ بارىسىندا بىرقاتار ماڭىزدى شەشىمدەر قابىلداۋ جوسپارلانۋدا, سونىڭ ىشىندە ۋكراينانىڭ قازاقتار قاۋىمداستىعىن قۇرۋ.
كەزدەسۋ سوڭىندا د.كالەتاەۆ «ISKA Ukraine» كيكبوكسينگ فەدەراتسياسىنىڭ پرەزيدەنتى نيكولاي اكيجانوۆتى جوعارى اتاعىمەن - ۋكراينانىڭ كيكبوكسينگكە ەڭبەگى سىڭگەن جاتتىقتىرۋشىسىنىڭ بەرىلۋىمەن قۇتتىقتادى.
