استانادا باس پروكۋرور اسحات داۋىلباەۆ پەن ۇلتتىق كاسىپكەرلەر پالاتاسى تورالقاسىنىڭ توراعاسى تيمۋر ق ۇلىباەۆ ءوزارا ىنتىماقتاستىق جونىندەگى مەموراندۋمعا قول قويدى.
استانادا باس پروكۋرور اسحات داۋىلباەۆ پەن ۇلتتىق كاسىپكەرلەر پالاتاسى تورالقاسىنىڭ توراعاسى تيمۋر ق ۇلىباەۆ ءوزارا ىنتىماقتاستىق جونىندەگى مەموراندۋمعا قول قويدى.
مەموراندۋمعا قول قويۋدىڭ ماڭىزدىلىعىن ايتا وتىرىپ, اسحات داۋىلباەۆ باس پروكۋراتۋرا مەن ۇلتتىق كاسىپكەرلەر پالاتاسىنىڭ ءوزارا بەلسەندى ارەكەتى مەملەكەت باسشىسىنىڭ «قازاقستان-2050» ستراتەگياسىنداعى كاسىپكەرلەردى جان-جاقتى قولداۋ جونىندەگى ءمىندەتتەردى ويداعىداي ىسكە اسىرۋعا سەبەپشى بولۋعا باعىتتالعاندىعىن اتاپ ءوتتى.
باس پروكۋرور كاسىپكەرلەردى قورعاۋ پروكۋرورلاردىڭ قىزمەتىندەگى باسىم باعىت بولىپ تابىلاتىندىعىن اتاپ كورسەتتى. بۇل تۇرعىدا بيزنەس پەن مەملەكەتتىڭ ءوزارا ارەكەتىن ودان ءارى جانداندىرۋ, بيزنەستى دامىتۋعا اكىمشىلىك كەدەرگىلەردى تومەندەتۋ, كاسىپكەرلەردى زاڭسىز تەكسەرۋلەردەن قورعاۋ بويىنشا ناتيجەلى جۇمىس جۇرگىزىلدى.
قابىلدانعان شارالاردىڭ ارقاسىندا تەكسەرۋلەردىڭ شىنايى ەسەبىن جولعا قويۋ مۇمكىندىگى پايدا بولدى. كاسىپكەرلەردىڭ قىزمەتىنە ارالاسۋ فاكتىلەرىنىڭ جولىن كەسۋ ءۇشىن باس پروكۋراتۋرانىڭ باستاماسى بويىنشا تەكسەرۋلەردى جوسپارلاۋ مەن جۇزەگە اسىرۋ جۇيەسى رەفورمالاندى. بارلىق دەڭگەيدەگى پروكۋراتۋرالاردىڭ جانىندا قۇرىلعان موبيلدىك توپتار تەكسەرۋشىلەردىڭ زاڭسىز ارەكەتتەرىنىڭ جولىن كەسۋگە باعدارلانعان.
اتاپ ايتقاندا, 2013 جىلى پروكۋرورلىق تەكسەرۋلەردىڭ ءناتيجەسىندە بيزنەستى قورعاۋ سالاسىندا 11 مىڭنان استام زاڭ بۇزۋشىلىقتار انىقتالدى. 2,5 مىڭنان استام بيزنەس سۋبەكتىلەرىن نەگىزسىز تەكسەرۋدىڭ جولى كەسىلدى. كاسىپكەرلەردىڭ قۇقىقتارىنا قاتىستى 997 زاڭسىز اكتىلەر وزگەرتىلدى جانە جويىلدى. 13 مىڭنان استام كاسىپكەرلەردىڭ قۇقىقتارى قورعالدى. ءتۇرلى جاۋاپكەرشىلىكتەرگە 1220 تۇلعا تارتىلدى. ءناتيجەسىندە زاڭسىز جوسپارلانعان تەكسەرۋلەردىڭ سانى بىلتىرعىمەن سالىستىرعاندا 10 ەسەگە تومەندەدى.
تاراپتار اتقارىلىپ جاتقان جۇمىستىڭ تيىمدىلىگىن ارتتىرۋ بويىنشا بىرلەسكەن ۇسىنىستاردى جۇزەگە اسىرۋ ءۇشىن ءوزارا ارەكەتتەسۋدىڭ ءتۇرلى نىساندارىن پايدالانۋ, اقپاراتپەن تۇراقتى الماسۋ, اۋماقتىق پروكۋراتۋرالاردىڭ جەرگىلىكتى بيزنەس-قاۋىمداستىقپەن ءوزارا بەلسەندى ارەكەتتەسۋىن قامتاماسىز ەتۋ جونىندە كەلىستى.
«ەگەمەن-اقپارات».
