ورتالىق كوممۋنيكاتسيالار قىزمەتىندە «دامۋ» كاسىپكەرلىكتى دامىتۋ قورى» اق-تىڭ باسقارما ءتورايىمى ءلاززات يبراگيموۆا بريفينگ وتكىزدى. ول «بيزنەستىڭ جول كارتاسى-2020» جەكە كاسىپكەرلىكتى مەملەكەتتىك قولداۋ باعدارلاماسىن جۇزەگە اسىرۋعا بايلانىستى بايانداما جاسادى.
ورتالىق كوممۋنيكاتسيالار قىزمەتىندە «دامۋ» كاسىپكەرلىكتى دامىتۋ قورى» اق-تىڭ باسقارما ءتورايىمى ءلاززات يبراگيموۆا بريفينگ وتكىزدى. ول «بيزنەستىڭ جول كارتاسى-2020» جەكە كاسىپكەرلىكتى مەملەكەتتىك قولداۋ باعدارلاماسىن جۇزەگە اسىرۋعا بايلانىستى بايانداما جاسادى.
ءتورايىمنىڭ ايتۋىنا قاراعاندا, اتالعان باعدارلاما وتاندىق بيزنەستىڭ ءوسىپ-ونۋىنە كەلتىرىپ وتىرعان كەدەرگىلەردى جويىپ, ولارعا كەزىككەن ءتۇيتكىلدى ماسەلەلەردى شەشۋدە قازاقستاندىق كاسىپكەرلەرگە قول ۇشىن سوزۋ ماقساتىندا ىسكە قوسىلعان. نەگىزىنەن, ءوز ءىسىن جاڭادان باستاعان كاسىپكەرلەرگە العاشقى كاپيتالدىڭ بولماۋى, بانك نەسيەلەرى مولشەرلەمەلەرىنىڭ جوعارىلىعى, كەپىلزاتقا قويىلاتىن تالاپتاردىڭ جوعارىلىعى, سونداي-اق, جۇمىسشىلار سانىنىڭ شەكتەۋلىلىگى مەن كاسىپكەردىڭ بيزنەستى جۇرگىزۋدەگى ءبىلىمىنىڭ جەتكىلىكسىزدىگى قولبايلاۋ بولىپ كەلگەن.
ءۇش جىل بۇرىن «بيزنەستىڭ جول كارتاسى-2020» باعدارلاماسى ىسكە قوسىلعان. سونىڭ اياسىندا كاسىپكەرلەرگە گرانتتار بەرۋ, سىياقىنىڭ ءبىر بولىگىن سۋبسيديالاۋ, نەسيەلەردى كەپىلدەندىرۋ مەن تالاپكەرلەردى بيزنەسكە وقىتۋ, بيزنەس جۇرگىزۋگە سەرۆيستىك قولداۋ كورسەتۋ شارالارى جولعا قويىلعان.
– «بيزنەستىڭ جول كارتاسى-2020» باعدارلاماسى 2010 جىلى ەندى عانا كۇشىنە ەنىپ, ەڭسە كوتەرە باستاسا, 2011 جىلى كاسىپكەرلەردىڭ نازارىن اۋدارعان جانە ولار ءۇشىن ەڭ تارتىمدى تەتىك سۋبسيديالاۋ شاراسى بولدى. ال 2012 جىلى باعدارلاما كەپىلدەندىرۋ ىسىمەن تولىقتى. اعىمداعى جىلى بارلىق وڭىرلەردە كاسىپكەرلەرگە قىزمەت كورسەتۋ ورتالىقتارى اشىلدى. «ءبىر تەرەزە» قاعيداسى بويىنشا جۇمىس ىستەيتىن ول ورتالىقتار كاسىپكەرلەرگە بيزنەسكە قولداۋ كورسەتۋ جونىندەگى مەملەكەتتىك باعدارلامالاردىڭ بارلىق ءتۇرى بويىنشا تەگىن كەڭەس بەرەدى. بۇيىرتسا, الداعى جىلى كاسىپكەرلىكتى قولداۋ قىزمەتتەرى ەلىمىزدىڭ بارلىق اۋدان ورتالىقتارىندا كورسەتىلە باستايدى, – دەدى ل.يبراگيموۆا.
قور جەتەكشىسى كاسىپكەرلەردى مەملەكەتتىك قولداۋدىڭ ءتۇرلى قۇرالدارىن پايدالانۋ دەڭگەيى ارتا تۇسكەنىن ايتتى. ەگەر ءۇش جىل بۇرىن 135 جوبا بويىنشا كاسىپكەرلەرمەن سۋبسيديا تۋرالى شارت جاسالسا, بيىل 1271 جوبا سۋبسيديالانىپ, اراداعى 2 جىلدا 9 ەسەگە ءوسىپتى. ال كەلەسى جىلى بۇل كورسەتكىش 1500-گە جەتكىزىلەدى ەكەن. سونداي-اق, كەپىلدەندىرۋ شاراسى بويىنشا دا قولداۋ كورسەتىلىپ, كەلەر جىلى ونىڭ سانىن 500-گە جەتكىزۋ كوزدەلىپتى.
بريفينگتە «دامۋ-كومەك» الەۋمەتتىك باعدارلاماسىنىڭ جۇزەگە اسىرىلۋى تۋرالى دا ايتىلدى. ول «كومەك www.damu-komek.kz» سايتى ارقىلى كورسەتىلەدى. ياعني, وسى سايت ارقىلى ءىرى بيزنەس-قۇرىلىمدار سانالاتىن الەۋەتتى دەمەۋشىلەر مۇگەدەك-كاسىپكەرلەرگە كومەك قولىن سوزادى. ال مەملەكەت ەكەۋىنىڭ اراسىنداعى «التىن كوپىر» بولىپ تابىلادى. وسى جىلدىڭ جەلتوقسان ايىنىڭ باسىندا سايتقا مۇگەدەك كاسىپكەرلەردەن 1254 تاپسىرىس ءتۇسىپ, ولاردىڭ 863-ءى قولداۋعا يە بولدى. اتاپ ايتقاندا, كومەكتىڭ وسىنداي ءتۇرىن الىپ كاسىبىن كەڭەيتە بىلگەندەردىڭ قاتارىندا قىزىلوردا, الماتى وبلىستارىنىڭ تۇرعىندارى ءجيى كەزدەسەدى», دەدى قور ءتورايىمى.
اعىمداعى جىلى اتقارىلعان تاعى ءبىر ماڭىزدى جۇمىس, كاسىپكەرلەرگە ارنالعان «بيزنەس اۋماعى» اتتى بىرىڭعاي مەملەكەتتىك بيزنەس-پورتالدىڭ جاسالۋى بولىپتى. ونىڭ كومەگىمەن كاسىپكەرلەر ءوز ءىسىن اشۋمەن جانە ونى جۇرگىزۋگە بايلانىستى پايدالى اقپاراتتار الادى. تەك «دامۋ» قورى عانا ەمەس, وسىنداي قىزمەتپەن اينالىساتىن بارلىق قارجى ينستيتۋتتارى جانە باسقا ۇيىمدار تاراپىنان كورسەتىلەتىن قولداۋلار تۋرالى اقپاراتتار الۋعا بولادى.
جالپى العاندا, شاعىن جانە ورتا كاسىپكەرلىك سەكتورىندا سوڭعى 4 جىلدا اۋقىمدى جۇمىستار اتقارىلعان. ونىڭ ناتيجەسىن باعدارلاماعا قاتىسۋشىلاردىڭ جەمىستى جۇمىسىنان كورۋگە بولادى. ماسەلەن, وسى كەزگە دەيىن باعدارلاما قاتىسۋشىلارى 720 ملرد. تەڭگەنىڭ ءونىمىن ءوندىرىپ, جىلىنا 42 ملرد. تەڭگە كولەمىندە مەملەكەت قازىناسىنا سالىق تولەپ وتىر ەكەن.
«قازىرگى ۋاقىتتا باعدارلاما تولىققاندى قالىپتاستى ءارى ءوزىنىڭ ءتيىمدىلىگىن دالەلدەدى دەۋىمىزگە بولادى. ال الداعى جۇمىستارىمىزدى بۇدان دا قارقىندى ءارى جەمىستى جۇرگىزۋىمىز ءۇشىن بىزگە سىزدەردىڭ ياعني, جۋرناليستەردىڭ دە كومەگى اسا قاجەت», – دەپ تۇيىندەدى ءسوزىن ل.يبراگيموۆا.
نۇرباي ەلمۇراتوۆ,
«ەگەمەن قازاقستان».
