گلۋبوكوە اۋدانىنداعى «التىن شىعىس» جشس ماي ەكستراكتسيالاۋ كەشەنىندە 1000 توننادان استام كۇنباعىس مايىن شىعارۋ جوسپارلانىپ وتىر.
قۇنى 28 ملرد تەڭگە بولاتىن جوبا «بيزنەستىڭ جول كارتاسى – 2020» مەملەكەتتىك باعدارلاماسى اياسىندا جۇزەگە اسىرىلىپ وتىر.
«بۇگىندە كەشەندە كۇنباعىس يادروسىن ءوندىرۋ بويىنشا تسەح سالىندى. تازارتىلعان يادرو وندىرىسىمەن كۇنباعىس تۇقىمىن قايتا وڭدەۋ بويىنشا جابدىق تەستىلىك رەجيمدە ىسكە قوسىلدى. 8 تسەحتىڭ قۇرىلىسىنا ىرگەتاستار قۇيىلدى. ينفراقۇرىلىم جۇرگىزۋ (سۋمەن قامتاماسىز ەتۋ جانە ەلەكترمەن قامتاماسىز ەتۋ) «بيزنەستىڭ جول كارتاسى – 2025» باعدارلاماسى بويىنشا جۇزەگە اسىرىلادى», دەيدى اۋدان اكىمى تامارا راحىمجانوۆا.
سونىمەن قاتار اتالعان باعدارلاما اياسىندا اۋداندا 4 جوبا سۋبسيديالانعان.
اتاپ ايتقاندا, تاۋار مەن جابدىق ساتىپ الۋ جانە جوندەۋ, جۇك تاسىمالداۋ قىزمەتىن كەڭەيتۋ, ءداندى جانە ءداندى-بۇرشاقتى داقىلداردى ءوسىرۋ بويىنشا قىزمەتتى دامىتۋ جوبالارى.
