«قازاقستان رەسپۋبليكاسىنداعى بانكتەر جانە بانك قىزمەتى تۋرالى» قازاقستان رەسپۋبليكاسىنىڭ زاڭى 48-بابى 1-تارماعىنىڭ 7), 15) تارماقشالارىنا سايكەس:
- پرۋدەنتسيالىق نورماتيۆتەردى جانە (نەمەسە) ساقتالۋى مىندەتتى باسقا دا نورمالار مەن ليميتتەردى جۇيەلى تۇردە (قاتارىنان كۇنتىزبەلىك ون ەكى اي ىشىندە ءۇش جانە ودان كوپ رەت) بۇزۋ;
- قاداعالاپ دەن قويۋ شارالارىن جۇيەلى تۇردە (قاتارىنان كۇنتىزبەلىك ون ەكى اي ىشىندە ءۇش جانە ودان كوپ رەت) ورىنداماۋ;
- ۋاكىلەتتى ورگاننىڭ قوسىمشا كاپيتالداندىرۋ جونىندەگى تالاپتارىن بانكتىڭ ءىرى قاتىسۋشىسىنىڭ ورىنداماۋى ليتسەنزيادان ايىرۋعا نەگىز بولدى.
ليتسەنزيادان ايىرۋ كۇنگى جاعداي بويىنشا بانك اكتيۆتەرىنىڭ مولشەرى 45,4 ملرد تەڭگە, نەسيە پورتفەلى - 45,0 ملرد تەڭگە, ونىڭ ىشىندە 31,6 ملرد تەڭگە نەمەسە بانكتىڭ نەسيە پورتفەلىنىڭ 70,0%-ى 90 كۇننەن استام مەرزىمى وتكەن جۇمىس ىستەمەيتىن كرەديتتەر. ليتسەنزيادان ايىرىلعان كۇنى «AsiaCredit Bank» ءوتىمدى اكتيۆتەرىنىڭ مولشەرى 75 ملن تەڭگەنى قۇرادى, بۇل رەتتە ورىندالماعان كليەنتتىك تولەمدەردىڭ مولشەرى 8,0 ملرد تەڭگەدەن اسادى.
2019 جىلعى قازاننان باستاپ كليەنتتەر قاراجاتىنىڭ كەتۋىن وتەۋ ءۇشىن ءوتىمدى اكتيۆتەردىڭ جەتىسپەۋشىلىگىنەن بانك رەتتەۋشى بەلگىلەگەن پرۋدەنتسيالىق نورماتيۆتەردى بۇزا باستادى. وسى كەزەڭنەن باستاپ اگەنتتىك تاراپىنان بانككە قاتىستى بانكتىڭ جاعدايىن جاقسارتۋعا باعىتتالعان 14 قاداعالاپ دەن قويۋ شاراسى قابىلداندى جانە اكىمشىلىك قۇقىق بۇزۋشىلىق تۋرالى 73 حاتتاما جاسالدى.
2019 جىلعى قازاندا ۇلتتىق بانك بانكتىڭ جالعىز اكتسيونەرىنە
قاتىستى بانكتى كاپيتالداندىرۋ جونىندەگى تالاپ تۇرىندە ماجبۇرلەۋ شاراسىن قولداندى, ول شارا ورىندالمادى. 2020 جىلى قاناعاتتانارلىقسىز قارجىلىق جاعدايىنىڭ ساقتالۋىنا بايلانىستى اگەنتتىك بانكتى قارجىلىق جاعدايى ورنىقسىز بانكتەر ساناتىنا جاتقىزىپ, بانكتەن جانە ونىڭ اكتسيونەرىنەن بانكتىڭ قارجىلىق جاعدايىن جاقسارتۋ جونىندەگى ءىس-شارالار جوسپارىن ورىنداۋدى تالاپ ەتتى.
وسى جوسپاردى ورىنداۋ شەڭبەرىندە بانك اكتسيونەرى 15,4 ملرد تەڭگە مولشەرىندە وتىمدىلىكپەن قولداۋدى جۇزەگە اسىردى. 2020 جىلعى قاڭتاردان باستاپ 2021 جىلعى اقپان ارالىعىنداعى كەزەڭدە اقشالاي وتەۋ جانە اكتيۆتەردى كليەنتتىك دەپوزيتتەردى وتەۋ ەسەبىنە بەرۋ ناتيجەسىندە بانكتىڭ مىندەتتەمەلەرى 21,8 ملرد تەڭگەگە ازايدى. 2020 جىلعى قاراشادان باستاپ 2021 جىلعى اقپان ارالىعىندا بانك اكتسيونەرىنىڭ قاراجاتى ەسەبىنەن الەۋمەتتىك ماڭىزى بار مەكەمەلەر (مەكتەپتەر مەن اۋرۋحانالار) جانە «بىرىڭعاي جيناقتاۋشى زەينەتاقى قورى» اق الدىنداعى مىندەتتەمەلەر تولىعىمەن وتەلدى. بانكتىڭ قارجىلىق جاعدايىن جاقسارتۋ جونىندەگى ءىس-شارالار جوسپارىنىڭ مەرزىمى 2020 جىلعى 25 جەلتوقساندا اياقتالدى. بانك جانە ونىڭ اكتسيونەرى قابىلداعان شارالار بانكتىڭ قارجىلىق جاعدايىن تۇراقتاندىرۋعا اكەلگەن جوق. بانك پرۋدەنتسيالىق نورماتيۆتەردى بۇزۋدى جالعاستىرۋدا جانە بانك كليەنتتەرى الدىنداعى تولەمدەر مەن اۋدارىمدار بويىنشا مىندەتتەمەلەردى ورىندامايدى. بانكتىڭ قوسىمشا پروۆيزيالار قالىپتاستىرۋ ءۇشىن قاجەتتى مەنشىكتى كاپيتال تاپشىلىعى 19 ملرد تەڭگەنى قۇرايدى.
«AsiaCredit Bank» اق-تا 2021 جىلعى 1 اقپانداعى جاعداي بويىنشا
23 174 جەكە تۇلعانىڭ دەپوزيتتەرى بار, ولاردىڭ جيىنتىق قالدىعى شامامەن 19 ملرد تەڭگە. بانك سالىمشىلارىنىڭ, جەكە تۇلعالاردىڭ 97,7%-نىڭ دەپوزيتتەرى قدكق كەپىلدىگىمەن تولىق كولەمدە وتەلەدى.
اگەنتتىك توراعاسىنىڭ 2021 جىلعى 11 اقپانداعى №51 بۇيرىعىمەن ۋاقىتشا اكىمشىلىك تاعايىندالدى, وعان بانكتىڭ بارلىق باسقارۋ ورگاندارىنىڭ وكىلەتتىكتەرى ءوتتى. ۋاقىتشا اكىمشىلىك بانكتىڭ تاراتۋ كوميسسياسى تاعايىندالعانعا دەيىن جۇمىس ىستەيتىن بولادى. ۋاقىتشا اكىمشىلىك جەتەكشىسى بولىپ اگەنتتىكتىڭ قىزمەتكەرى ەرلان سارسەنبەك ۇلى تاعايىندالدى.
2021 جىلعى 12 اقپاننان باستاپ قر زاڭناماسىندا كوزدەلگەن جاعدايلاردى قوسپاعاندا, كليەنتتەردىڭ جانە بانكتىڭ ءوزىنىڭ بانكتىك شوتتارى بويىنشا بارلىق وپەراتسيا توقتاتىلدى. اگەنتتىك بانكتىڭ قىزمەتىن ماجبۇرلەپ توقتاتۋ (تاراتۋ) تۋرالى وتىنىشپەن سوتقا بەلگىلەنگەن تارتىپپەن جۇگىنەدى.
