ۇيىم بەلسەندىلەرى «استانا تازالىق» كوممۋنالدىق مەملەكەتتىك مەكەمەسىنىڭ جۇمىسشىلارىنا قولۇشىن سوزىپ, كومەك كورسەتتى. شارا باراسىندا جۇمىسشىلارعا ىستىق شاي مەن باۋىرساق تاراتىلدى.
اتالعان شاراعا قورعانىس مينيسترلىگىنىڭ وكىلدەرى, «جاس سارباز» قوزعالىسىنىن ەرىكتىلەرى جانە ۇيىم توراعاسى اسحات نالشىبەك تە قاتىستى.
«جاسساربازدىقتارعا ريزاشىلىعىمدى بىلدىرگىم كەلەدى. قىتىمىر ايازدا ءبىزدىڭ كوڭىل-كۇيىمىزدى كوتەرىپ, جۇمىسىمىزعا قولعابىس ەتتى. قۋانتارلىعى, جاستار مەشىتكە بارىپ, مەشىت الدىن تازالاۋعا كوپ كومەك كورسەتتى. ەلوردا جاستارىنىڭ وسىنداي جاناشىرلىعى جۇرەكتى ەلجىرەتپەي قويمايدى», «استانا تازالىق» كمم جۇمىسشىسى يمنالينا كۇلاندا.
«اسكەري-پاتريوتتىق قوزعالىس «30 يگى ءىس» اكتسياسى اياسىندا بىرقاتار ءىس-شارانى اتقارىپ جاتىر. ايتا كەتەيىك, ءبىز وسى اكتسيا شەڭبەرىندە ەكىنشى دۇنيەجۇزىلىك جانە اۋعان سوعىستارى ارداگەرلەرىنە, الەۋمەتتىك جاعدايى تومەن كوپبالالى وتباسىلارعا, تىل ەڭبەككەرلەرىنە, پاندەميا كەزىندە ايانباي جۇمىس ىستەگەن اسكەري دارىگەرلەرگە, سونداي-اق قارتتار ءۇيى مەن بالالار ۇيلەرىنە ءاردايىم كومەكتەسۋ − ازاماتتىق بورىشىمىز دەپ بىلەمىز. سونىمەن قاتار ەلوردادان باسقا جاستار بىرلەستىكتەرىن بىزبەن بىرگە اتسالىسۋعا شاقىرامىز», دەيدى ا.نالشىبەك.
