ەستەرىڭىزگە سالا كەتەيىك, مەملەكەتتىك حاتشى قىرىمبەك كوشەرباەۆ قوعامدىق سانانى جاڭعىرتۋ باعدارلاماسىن ىسكە اسىرۋ جونىندەگى ۇلتتىق كوميسسيانىڭ وتىرىسىن وتكىزگەن بولاتىن. جيىندا تالقىلانعان ماسەلەلەر بويىنشا بەلگىلى عالىم, تاريح عىلىمدارىنىڭ دوكتورى, پروفەسسور تالاس وماربەكوۆ, «ۇلتتىق كينونى قولداۋ مەملەكەتتىك ورتالىعى» كەاق باسقارما توراعاسى ەسەتجان قوسۋباەۆ, شىعىس قازاقستان وبلىسى بورودۋليحا اۋدانىنىڭ مەتسەناتى كونستانتين پوپ, قر پرەزيدەنتىنىڭ «بولاشاق» حالىقارالىق ستيپەندياسى ستيپەندياتتارى قاۋىمداستىعىنىڭ اتقارۋشى ديرەكتورى لاۋرا دەمەسينوۆا ءسوز سويلەدى.
وتىرىس قورىتىندىسى بويىنشا ۇكىمەتكە «رۋحاني جاڭعىرۋ» باعدارلاماسىنىڭ 2021 جىلعا ارنالعان جول كارتاسىن ساپالى ءارى ءتيىمدى ىسكە اسىرۋدى قامتاماسىز ەتۋ بويىنشا بىرقاتار تاپسىرما بەرىلدى.
مەملەكەتتىك حاتشى ۇلتتىق كوميسسيانىڭ ۇسىنىستارى مەن ۇسىنىمدارىن قاراستىرۋدى تاپسىردى. اتاپ ايتقاندا, قازاقستاننىڭ تولىق اكادەميالىق تاريحىن جازۋ ءۇشىن «حالىق تاريحى» اتتى جوبالىق كەڭسەنى اشۋ, «كينوداعى جانە تەلەديدارداعى تاريح» اتتى ارنايى جوبانىڭ تاقىرىپتارىن كۇشەيتۋ, «كيەلى قازاقستان» ارنايى جوباسى اياسىندا ءتۋريزمدى دامىتۋ, وتاندىق سايلاۋشىلار بانكىن قالىپتاستىرۋ.
اسىرەسە بالالار مەن جاسوسپىرىمدەر ءۇشىن ساپالى مادەني-اعارتۋشىلىق جانە ءبىلىم كونتەنتىن قالىپتاستىرۋ قاجەتتىلىگىنە نازار اۋدارىلدى.
