قازاقتا بۇرىننان: «باي بولعان باقىرىپ بولا ما؟» دەگەن ءسوز بار. ال بۇگىنگى اقتاۋداعى باستىقتار سول باقىرۋعا بالاعاتتى قوسىپ جىبەرەدى ەكەن. ال ەكەۋى قوسىلىپ كەپ كەتكەندە, ونىڭ الدىندا وتىرعان قاراۋىنداعى جۇمىسشىلارى عانا ەمەس, كارى كاسپيدىڭ ءوزى تىتىركەنىپ كەتەدى دەسەدى. مىنە, وسىلايشا ۇستەرىنە اڭگىرتاياق ويناي بەرۋىنەن ابدەن زارەزاپ بولعان قالاداعى سونداي مەكەمەلەردىڭ ءبىرى – كوممۋنالدىق شارۋاشىلىق ءبولىمىنىڭ قىزمەتكەرلەرى اقىرى تاۋەكەلگە بارىپ, باستىقتارىنىڭ ۇستىنەن پروكۋراتۋراعا شاعىنىپتى.
قازاقتا بۇرىننان: «باي بولعان باقىرىپ بولا ما؟» دەگەن ءسوز بار. ال بۇگىنگى اقتاۋداعى باستىقتار سول باقىرۋعا بالاعاتتى قوسىپ جىبەرەدى ەكەن. ال ەكەۋى قوسىلىپ كەپ كەتكەندە, ونىڭ الدىندا وتىرعان قاراۋىنداعى جۇمىسشىلارى عانا ەمەس, كارى كاسپيدىڭ ءوزى تىتىركەنىپ كەتەدى دەسەدى. مىنە, وسىلايشا ۇستەرىنە اڭگىرتاياق ويناي بەرۋىنەن ابدەن زارەزاپ بولعان قالاداعى سونداي مەكەمەلەردىڭ ءبىرى – كوممۋنالدىق شارۋاشىلىق ءبولىمىنىڭ قىزمەتكەرلەرى اقىرى تاۋەكەلگە بارىپ, باستىقتارىنىڭ ۇستىنەن پروكۋراتۋراعا شاعىنىپتى.
«اقتاۋدا كوممۋنالدىق شارۋاشىلىق ءبولىمىنىڭ باستىعى قاراماعىنداعىلارعا كۇن كورسەتپەي, باس-كوز دەمەي بالاعاتتايدى ەكەن. ودان ابدەن مەزى بولعان قىزمەتكەرلەر اقىرى پروكۋراتۋراعا شاعىم ءتۇسىرىپتى. ايتۋلارىنشا, ساعىنعالي امانگەلديەۆ مەملەكەتتىك قىزمەتكەردىڭ ار-نامىسىن اياققا تاپتاپ, بولىمدەگىلەرمەن بوقتاپ قانا سويلەسكەن», دەپ حابارلادى وسىعان وراي كتك ارناسى.
ءبىر قىزىعى, شىلتىرەيگەن شەنەۋنىكتىڭ شەكتەن شىعىپ كەتكەنىنە پروكۋرورلاردىڭ دا كوزدەرى بىردەن جەتىپتى. س.امانگەلديەۆ پروكۋراتۋرا قىزمەتكەرلەرى كەلىپ وتىرعان كەزدە-اق قىزمەتكەرلەرىن باس سالىپ سىباپ الىپ, ۇيالى تەلەفونىن لاقتىرعان ەكەن. ءبولىم جەتەكشىسىنە كەيىن قاتاڭ سوگىس جاريالانادى.
الايدا, باسۋ كورمەگەن باقىراۋىق باسشى ەشقاشان ادەپتەن اسقان ەمەسپىن دەپ بەت باقتىرماي وتىرعان كورىنەدى.
مۇرات ايتقوجا.
