بايدەن ميانما اسكەرلەرىنىڭ دەموكراتيالىق كوشباسشىلار مەن بەلسەندىلەردى تەز ارادا بوساتۋعا, سونداي-اق ولار باسىپ العان بيلىكتەن باس تارتۋعا شاقىردى.
پرەزيدەنت ەنگىزىلگەن شەكتەۋلەر ميانما قارۋلى كۇشتەرىنە جانە ولاردىڭ تۋىستارىنىڭ ەكونوميكالىق مۇددەلەرىنە اسەر ەتەتىنىن ناقتىلاپ ءوتتى.
«سونداي-اق قاتاڭ ەكسپورتتىق باقىلاۋدى ەنگىزەمىز. ميانما ۇكىمەتىنە پايدا اكەلەتىن اكتيۆتەردى توقتاتامىز. دەگەنمەن دەنساۋلىق ساقتاۋ, ازاماتتىق قوعام جانە حالىققا تىكەلەي كومەكتەسەتىن باسقا دا سالالاردى قولداۋدى جالعاستىرامىز», دەدى اقش پرەزيدەنتى.
دجو بايدەن ۆاشينگتون قاراماعىنداعى ميانما ۇكىمەتتىك قورلارىنا, ياعني 1 ميلليارد دوللار سوماعا قول جەتكىزۋدەن ايىرۋ ماقساتىندا ءىس-قيمىل جاسايتىنىن مالىمدەدى.
ايتولقىن مىرزاكاريم
