جيىنعا وبلىستىق پوليتسيا دەپارتامەنتى باسشىسىنىڭ ورىنباسارى, پوليتسيا پولكوۆنيگى رەنات ۋناربەكوۆ, كادر ساياساتى جونىندەگى باسشى, پودپولكوۆنيك مۇحتاربەك باكەتاەۆ, شقتۋ-دىڭ مەكتەپ دەكاندارى, ءبىلىم بەرۋ باعدارلامالارىنىڭ جەتەكشىلەرى جانە اكادەميالىق قىزمەت جونىندەگى پرورەكتور جادىرا قوڭىرباەۆا قاتىستى.
قازىرگى تاڭدا وسكەمەندە كولىكتەر سانى كۇن سايىن ارتىپ كەلەدى. ارتقان سايىن جول قوزعالىسىن ساۋاتتى ۇيىمداستىرۋ كەرەكتىگى ءسوزسىز. سوندىقتان دا, جوعارى وقۋ ورنىندا وسى سالا ماماندارىن دايىنداۋ باعدارلامالارى جۇزەگە اسىرىلىپ وتىر.
سولاردىڭ ءبىرى «جول قوزعالىسىن ۇيىمداستىرۋ». كەزدەسۋدە باعدارلاما جەتەكشىسى گۇلنۇر قونارباەۆا ءبىلىم باعدارلاماسىنىڭ ارتىقشىلىقتارى تۋرالى ايتىپ, جوسپارلارىمەن ءبولىستى.
بۇگىنگى تاڭدا قاي سالا بولماسىن IT-ماماندارعا سۇرانىس وتە جوعارى. سول سەبەپتى, IT-تەحنولوگيالار باعىتىندا ارنايى داعدىلارى بار جول قوزعالىسىن ۇيىمداستىرۋ ماماندارىن دايىنداۋ ءۇشىن بىرلەسكەن ءبىلىم بەرۋ باعدارلاماسىن قۇرۋ يدەياسى ۇسىنىلدى. سونىمەن قاتار, پوليتسيا دەپارتامەنتىنىڭ قۇرىلىمدىق بولىمشەلەرى بازاسىندا وندىرىستىك تاجىريبەدەن ءوتۋدى ۇيىمداستىرۋ سىندى ماسەلەلەر ورتاعا سالىندى.
شىعىس قازاقستان وبىلسى
