ساياسات • 11 اقپان، 2021

شاعىمدى تەرمينال ارقىلى بەرەدى

6 رەت كورسەتىلدى

قىلمىستىق-اتقارۋ جۇيەسى كوميتەتى (قاجك) سوتتال­عانداردىڭ ءوز شا­عىمدارىن ءبىلدىرۋ ءۇشىن ەلەكتروندى تەرمينالداردىڭ تسيفرلى سەرۆيسىن ەنگىزۋدە. بۇل پەنيتەنتسيارلىق جۇيەنى جاڭعىرتۋ جۇمىستارىن بەلسەندى تۇردە جالعاستىرۋ اياسىندا اتقارىلۋدا.

قىلمىستىق-اتقارۋ كو­دەك­­سىندە پەني­تەن­تسيارلىق جۇيە مەكەمەلەرىندەگى سوت­تال­عان ادام­داردىڭ قۇقىق­تارى مەن مىن­­دەتتەرى جا­زىل­عان. جازاسىن وتەپ جۇر­­گەن ازاماتتار كەدەرگىسىز زاڭ­­گەر­لىك، مەديتسينالىق جانە پسي­­حولوگيالىق كو­مەك الۋ­عا قۇ­قىلى. سونداي-اق ولارعا ەڭ­بەك قاۋىپسىزدىگىنە، الەۋمەتتىك، زەي­نەتاقىمەن قامتاماسىز ەتۋگە جانە جازانى وتەۋ جاعداي­لارىنىڭ نورمالارىن ساقتاۋعا كە­پىلدىك بەرىلگەن.

ء«بىزدىڭ باستى مىندەتىمىز – سوتتالعان ادامداردى ۇستاۋ سا­پاسىن باقىلاۋ، ولاردى قاي­تا الەۋمەتتەندىرۋ جانە ولارعا جا­زانى وتەۋدىڭ ءتيىستى جاع­داي­لارىن قامتاماسىز ەتۋ»، دەيدى قاجك توراعاسى جانات ەشماعامبەتوۆ. سونداي-اق قاج كوميتەتىنىڭ باسشىسى اتالعان تەرمينالداردىڭ قىزمەتكەرلەر تاراپىنان ورىن الۋى مۇمكىن لاۋازىمدىق وكىلەتتىكتەرىن اسى­را پايدا­لانعان جاع­دايدا ولار­دىڭ جولىن كەسۋدە جانە الدىن الۋدا تيىمدىلىگىن اتاپ ءوتتى.

«جەكە قۇرام تاراپىنان زاڭسىز ءىس-ارەكەت فاكتىلەرى انىق­­تالعان جاع­دايدا، ءبىز جەدەل-تەرگەۋ توبى مەن پرو­­كۋرا­­­تۋرا قۇرامىندا قىزمەت­تىك تەرگەۋ جۇرگىزەمىز. لاۋازىم­دىق وكىلەت­تىكتەرىن اسىرا پاي­دا­لان­عانى راستالعان جاع­دايدا، بۇل قىزمەتكەرلەرگە قا­تىس­تى جۇمىستان بوساتۋعا دەيىنگى قا­تاڭ شارالار قولدا­نىلادى. ەلەك­ترون­دى تەرمينالدار سوت­­تالعاندارعا شا­عىمدى تىكەلەي پرو­كۋ­راتۋراعا، ال كەيىننەن سوت­قا جانە وزگە دە قۇقىق قور­­عاۋ ور­گاندارىنا، سونداي-اق وزىن­دىك قاۋىپسىزدىك قىزمەتىنە جىبەرۋگە مۇم­كىندىك بەرەدى. بۇل ءراسىم شاعىمداردى قابىلداۋ جانە ولاردى جەدەل وڭدەۋ پرو­تسەسىن ەداۋىر جەدەلدەتەدى. سونداي-اق قاج مەكەمەلەرىن بەينەباقىلاۋ جۇيەلەرىمەن تولىق قامتۋدى قامتا­ما­سىز ەتۋ كۇتىلۋدە، بۇل ۋاقتىلى باقى­لاۋعا جانە قىزمەتكەرلەردىڭ دە، سوت­تال­­عانداردىڭ دا زاڭسىز ارە­كەتتەرىن ازاي­تۋعا مۇمكىندىك بە­رەدى»، دەپ تولىق­تىردى قاجك توراعاسى.

پروكۋراتۋرا ورگاندارى مەن قىل­مىستىق-اتقارۋ جۇيەسىنىڭ اقپاراتتىق جۇيەلەرىن بىرىكتىرۋ وسى جىلدىڭ 1 اقپانىندا اياق­تال­دى. سوتتالعانداردىڭ شارت­تى تۇردە مەرزىمىنەن بۇ­رىن بو­ساتۋعا جانە جازانىڭ وتەل­­مەگەن بولىگىن جازانىڭ نە­عۇرلىم جەڭىل تۇرىمەن اۋىس­تى­رۋعا شا­عىمدار، وتىنىشتەر مەن ءوتىنىشحاتتار بەرۋ سەرۆيسى ىسكە قوسىلدى. قاج-دى دا­مىتۋ­دىڭ 2019-2023 جىلدارعا ارنال­­عان جول كارتاسىنا سايكەس بار­لىعى 121 تەرمينال ساتىپ الى­نىپ، ولار سوت­تالعاندار ءۇشىن قولجەتىمدى، ۇزدىك­سىز بەي­­نە­­باقىلاۋ جۇرگىزىلەتىن ورىنداردا ورناتىلدى. قازىرگى ۋاقىتتا قاج مەكە­مەلەرىمەن سوت­تالعانداردىڭ بيو­مە­تريالىق دەرەكتەرىن تىركەۋ جانە وسى تەر­مينالداردى پايدالانۋ ەرە­جە­لەرىن ءتۇسىندىرۋ بويىنشا جۇمىستار جال­عاسۋدا.

ەستەرىڭىزگە سالا كەتەيىك، وت­كەن جىل­­­­دىڭ كۇزىندە قۇرا­مىنا قاجك باس­­­شىسى، ادام قۇقىقتارى جونىندەگى ۋاكىل، ورتالىق ازياداعى PRI باع­دار­­­لامالارىنىڭ وڭىرلىك مە­نەد­جەرى كىرگەن دەلەگاتسيا ال­ماتى وبلىسىنداعى زارەچنىي كەنتىنىڭ قاج مەكەمەلەرىنە بارىپ، تەرمينالداردىڭ جۇ­مى­سىن ال­عاشقى رەت ىسكە قو­سىپ، كورسەتكەن. ء«بىز باس بوستان­دى­­عىنان ايىرۋ ورىندا­رىندا باقىلاۋ جۇرگىزەتىن قوعامدىق-باقىلاۋ كوميسسيالارىمەن جانە ۇلتتىق الدىن الۋ تەتىگىمەن تى­عىز ءوزارا ءىس-قي­مىل جاسايمىز. ۇات قۇرامىنا ۇەۇ وكىل­دەرى، الەۋ­مەتتىك قىزمەتكەرلەر، زاڭ­گەر­­لەر، دارىگەرلەر جانە مەكەمە­لەردىڭ اكىم­شىلىگىنەن تولىق تاۋەل­سىز جانە باسقا دا ازا­ماتتىق تۇل­عالار كىرەدى. ولار مەكە­مەگە كەدەرگىسىز كەلىپ، ۇستاۋدا وتىر­عان كەز كەلگەن اداممەن سوي­لەسە الادى»، دە­­دى توراعا.

سونداي-اق سوتتالعانداردىڭ قۇقىق­تىق جاعدايىن جاقسارتۋ ماقساتىندا 2019 جىلدان باس­تاپ مامانداندىرىلعان «ەلەك­تروندى دۇكەندەر» ەنگىزىلگەن. مۇن­دا تاۋارلاردىڭ 400-دەن اس­تام اتاۋى ۇسىنىلعان. تاۋار­لار ءتىزىمى ۇنە­مى تولىقتى­رى­لىپ، كەڭەيتىلىپ وتىرادى. سوتتال­عاندار ازىق-ت ۇلىك، كيىم، كى­­تاپ، تىيىم سالىنباعان تاۋارلار مەن قىز­مەتتەرگە تاپسىرىس بەرە الادى. بۇعان سوت­تالعانداردىڭ تۋىستارى دا قاتىسا الادى. ولار قىلمىستىق-ات­قا­رۋ زاڭ­ناماسىنا سايكەس، سوتتال­عاندارعا رۇقسات ەتىلگەن قانداي دا ءبىر زاتتاردى جەتكىزۋگە تاپسىرىس بەرۋگە قۇقىلى. تەرمينالداردىڭ جۇ­مىسى ىسكە قوسىلعاننان باس­تاپ ونەر­كاسىپتىك پايدالانۋعا ەنگى­زىل­گەنگە دەيىن سوتتالعاندار 26 ءوتى­نىش پەن 158 شاعىم جىبەرىپ ۇلگەرگەن.

سوڭعى جاڭالىقتار

الداعى ءۇش تاۋلىكتە كۇن سۋىتادى

اۋا رايى • بۇگىن، 11:55

Facebook اتاۋىن وزگەرتەدى

الەم • بۇگىن، 10:15

2228 ادام كوروناۆيرۋستان ەمدەلىپ شىقتى

كوروناۆيرۋس • بۇگىن، 09:30

سپورت جاڭالىقتارىنا شولۋ

سپورت • بۇگىن، 09:11

قالالاردى قالىڭ تۇمان باسىپ تۇر

ايماقتار • بۇگىن، 09:07

ياساۋي مۇراسى – ۇرپاققا ونەگە

ايماقتار • بۇگىن، 09:05

سيمفونيالار سالتاناتى

ونەر • بۇگىن، 09:04

قالامگەرلەر قاۋىشۋى

رۋحانيات • بۇگىن، 08:59

باس جۇلدە ەكەۋ بولدى

تەاتر • بۇگىن، 08:51

مادەني دوستىقتى دارىپتەدى

ونەر • بۇگىن، 08:50

جەل ەلەكتر ستانساسى سالىنۋدا

ايماقتار • بۇگىن، 08:48

«باتاگوي» بايقاۋى ءوتتى

ايماقتار • بۇگىن، 08:46

جاڭا سپورت كەشەنى اشىلدى

ايماقتار • بۇگىن، 08:45

كەڭەسكە مۇشەلىككە سايلاندى

ساياسات • بۇگىن، 08:15

وركەنيەت وزەگى – ۇلىق ۇلىس

تاريح • بۇگىن، 00:35

شىڭعىستاۋدىڭ شاكىرى

ادەبيەت • كەشە

جانى ىزگى جۋرناليست

ەگەمەن قازاقستان • كەشە

ۇقساس جاڭالىقتار