ەل مەن ەلباسى ۇلەسىنە قۇرمەت

پرەزيدەنت پوشتاسىنان مەملەكەت باسشىسىنىڭ اتىنا سولتۇستىك قازاقستان وبلىسىندا تۇراتىن سوعىس جانە ەڭبەك ارداگەرلەرى ا.ح.ريجسكيحتەن, ج.ع.ىسقاقوۆتان, د.س.ساپاروۆتان, س.ف.باشكيروۆتان, س.م.پرەسنياكوۆتان, گ.ۆ.كۋحاردان, ا.ش.كاكەنوۆتەن, ح.جۇنىسوۆتەن, ا.س.رەشەتنياكتان جەدەلحات كەلىپ ءتۇستى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. ارداگەرلەر “شىعىس-باتىس” ينستيتۋتى تا­عاي­ىنداعان بەيبىتشىلىك جانە الدىن الۋ ديپلوماتياسى سىيلىعىنىڭ قازاقستان پرە­زيدەنتىنە تاپسىرىل­عا­نى تۋرالى حاباردى زور قۋانىشپەن قابىلداعان­دارىن جازادى. جەدەلحاتتا بىلاي دە­لىن­گەن: ء“بىز ۇلتارالىق كە­لىسىم مەن توزىمدىلىككە نە­گىزدەلگەن قازاقستاندىق دامۋ جولىن بۇكىل الەم مويىنداپ وتىرعانىن ماق­تان ەتەمىز. بۇل قازاق­ستان حالقىنىڭ جانە ونىڭ پرەزيدەنتىنىڭ بەيبىت­شى­لىك­تى ساقتاۋعا جانە حا­لىق­تار اراسىنداعى ءوزارا ءتۇ­سى­نىستىكتى نىعايتۋعا قوسقان ۇلەسىنە ايرىقشا قۇرمەت بەلگىسى. بۇل سونداي-اق بەي­بىتشىلىك ءۇشىن كۇرەسىپ جات­قاندارعا دەگەن شىنايى ريزاشىلىقتىڭ كورىنىسى. ءسىز, قۇرمەتتى نۇرسۇل­تان ءابىش ۇلى, ءبىز ءۇشىن جانقيار­لىقتىڭ جانە ءوز وتانىنا دەگەن سۇيىسپەن­شى­لىكتىڭ ونەگەسى بولىپ تابىلاسىز! ءسىز ءبىزدىڭ كوشباس­شى­مىزسىز – بولاشاق ۇرپاق­تارعا ونەگەسىز! ءبىزدىڭ بارلىق جەتىس­تىك­تەرىمىز ءسىزدىڭ ەسىمىڭىزبەن بايلانىستى. ارداگەرلەردىڭ اتىنان ءسىزدى سىيلىقتىڭ تاپسى­رى­لۋىمەن قۇتتىقتاي وتى­رىپ, مىقتى دەنساۋلىق, باقىت, سىزگە جانە ءسىزدىڭ وت­باسىڭىزعا باق-بەرەكە جانە قازاقستان حالقىنىڭ يگىلىگى جولىندا بۇدان بى­لاي دا تابىستار تىلەيمىز”.