رەسەي مەملەكەتتىك دۋماسىنىڭ سوڭعى وقىلىمىندا جۇكتى ايەلدەردىڭ دەمالىس مەرزىمىن 3-تەن 4,5 جىلعا دەيىن ۇزارتۋ جونىندەگى زاڭ جوباسى قابىلداندى. بۇل تۋرالى Utro.ru حابارلادى.
جاڭا زاڭ جوباسىنىڭ قابىلدانۋى رەسەيدىڭ بالا تۋ كورسەتكىشىن كوتەرىپ, كوپ بالالى اتا-انالاردىڭ الەۋمەتتىك قورعالۋى مەن ەلدەگى دەموگرافيالىق جاعدايدى جاقسارتۋعا سەپتىگىن تيگىزەدى دەپ كۇتىلۋدە. ونى جۇزەگە اسىرۋ ءۇشىن 2014 جىلى فەدەرالدى بيۋدجەتتەن قوسىمشا 470 ملن. 640 مىڭ رۋبل قاجەت.
رەسەي ۇكىمەتى بالا قاراۋ مەرزىمىن كوبەيتۋدى قاراستىراتىن زاڭ جوباسىن مەملەكەتتىك دۋماعا قازان ايىنىڭ ورتاسىندا ۇسىنعان بولاتىن. بۇل زاڭدى پرەمەر-مينيستر دميتري مەدۆەدەۆ قولدادى. «ۇكىمەت بالا قاراۋعا بەلگىلەنگەن 4,5 جىلدى ونىڭ اكەسىنىڭ نەمەسە اناسىنىڭ ەڭبەك وتىلىنە قوسۋدى قاراستىراتىن زاڭ جوباسىن جاساپ شىعاردى. بۇرىن بۇل مەرزىم 3 جىلدى قۇرايتىن», – دەدى ول.
ايدار ورىسباەۆ.
دەرەككوز: Utro.ru
فوتو: Gazeta.ru
