2012 جىلى «بايتەرەك» شارۋاقوجالىعى بولىپ قۇرىلعان مەكەمە ەڭ الدىمەن 400 باس ءىرى قارا مال بورداقىلاۋدان باستاعان.
2016 جىلى مەملەكەت تاراپىنان كورسەتىلگەن قولداۋلار ارقاسىندا شارۋاشىلىق اۋماعىن ۇلعايتىپ, مال بورداقىلاۋ الاڭىنىڭ سىيىمدىلىعىن 700 باسقا دەيىن جەتكىزدى. ال 2018 جىلى بۇل مەجە 1200 باسقا دەيىن جەتتى. سول جىلى شارۋاشىلىقتىڭ باس ديرەكتورى تاحيربەك نيشانباەۆ ءوندىرىس سالاسىن اۋقىمدى دامىتۋدى قولعا الىپ, «بايتەرەك اگرو» اۋىلشارۋاشىلىعى كووپەراتيۆىن قۇردى. كووپەراتيۆكە 20-دان اسا جەكە قوسالقى شارۋاشىلىقتاردى بىرىكتىردى. بۇل ءوز كەزەگىندە ۇساق شارۋاقوجالىقتاردىڭ دامۋىنا جانە بىرلەسە جۇمىس اتقارىپ, ءوز ونىمدەرىن تىكەلەي دەلدالسىز ساتۋلارىنا سەبەپكەر بولدى.
كووپەراتيۆتە زاماناۋي قۇرال-جابدىقتارمەن, تەحنيكالارمەن قامتىلعان ءسۇت وڭدەۋ تسەحى جانە مال سويۋ الاڭى بار.
بۇگىندە قوجالىقتىڭ جالپى اۋماعى 300 گەكتارعا جەتىپ, ونىڭ 14 گەكتارىندا قوراجايلار مەن اۋىلشارۋاشىلىعى ونىمدەرىن وندىرەتىن تسەحتار ورنالاسقان.
شارۋاشىلىقتا قازىرگى تاڭدا 1300 باسقا ارنالعان ءىرى قارا مال بورداقىلاۋ الاڭى مەن 500 باس ساۋىندى سيىر بار. سونىمەن قاتار, قوجالىق تاۋلىگىنە 8 تونناعا دەيىن ءسۇتتى قابىلداپ, وندىرە الادى.
ەرەكشە اتاپ وتەرلىگى, ءسۇت ونىمدەرىن ءوندىرۋ ارقىلى, اتاپ ايتقاندا سۇزبە, قۇرت, ايران, قازى, ءىرى قارا مال, جىلقى, قوي ەتتەرىنە ارنايى شارۋاشىلىق بەلگىلەرى قويىلعان ونىمدەرىن تىكەلەي دەلدالسىز قولجەتىمدى باعادا ۇسىنا وتىرىپ, قالا تۇرعىندارى تىعىز شوعىرلانعان جەرلەردە ساتىلىمعا شىعارىپ وتىر.
الداعى ۋاقىتتا قوجالىق يەسى شارۋاشىلىقتا ءسۇتتى-ەتتى باعىتتاعى اسىل تۇقىمدى سيىرلاردى كوبەيتىپ, ساپالى ءونىم الۋدى جانە رەپرودۋكتورلى (اسىل تۇقىمدى ءتول وسىرەتىن) شارۋاشىلىق قۇرۋدى جوسپارلاۋدا.
