قازاقستان پرەزيدەنتى نۇرسۇلتان نازارباەۆ جوعارى ەۋرازيالىق ەكونوميكالىق كەڭەس وتىرىسىنا قاتىسۋ ءۇشىن ماسكەۋگە كەلدى. ساپار بارىسىندا رەسەي فەدەراتسياسىنىڭ پرەزيدەنتى ۆلاديمير پۋتينمەن كەزدەسۋ جوسپارلانعان, دەپ حابارلادى قازاقستان پرەزيدەنتىنىڭ ءباسپاسوز قىزمەتى.
وتىرىستا ينتەگراتسيالىق قۇرىلىمدار – كەدەن وداعى مەن ءبىرتۇتاس ەكونوميكالىق كەڭىستىك اياسىنداعى ءوزارا ىقپالداستىقتىڭ نەگىزگى اسپەكتىلەرى, سونداي-اق, ەۋرازيالىق ەكونوميكالىق وداقتى قالىپتاستىرۋعا قاتىستى ماسەلەلەر تالقىلاناتىن بولادى.
