انكارا 10 جىلدىق جوبا اياسىندا ءوز ماماندارىن عارىشقا ۇشىرىپ, باسەكەگە قابىلەتتى جەرسەرىكتەرىن جاساۋدى جوسپارلاپ وتىر. جالپى تۇركيا ءوزىنىڭ عارىش اگەنتتىگىن وسىدان 3 جىل بۇرىن قۇرعان.
ء«بىز باعدارلامانىڭ ءبىرىنشى كەزەڭىندە ءوزىمىزدىڭ گيبريدتىك زىمىرانىمىزبەن ايعا قونامىز. ال 2028 جىلى جوبانىڭ ەكىنشى كەزەڭىندە جەر وربيتاسىنا شىعۋ ءۇشىن ءوزىمىز جاساپ شىعارعان زىمىراندى قولدانۋدى جوسپارلاپ وتىرمىز», دەدى رەجەپ تايىپ ەردوعان.
ايتا كەتۋ كەرەك, ەردوعاننىڭ سوزىنشە, عارىش اپپاراتى ايعا ەلدىڭ ءجۇز جىلدىعىنا وراي قونادى. سونداي-اق تۇركيا عارىش ايلاعىن سالۋدى جوسپارلاپ وتىر. سوڭعى 18 جىلدا تۇركيا سپۋتنيكتەرمەن, عارىشپەن, ۇشىرۋ جۇيەلەرىمەن جانە عارىش جابدىقتارىمەن بايلانىستى 56 جوباعا 2,1 ميلليارد لير (125 ميلليارد تەڭگە) بولگەن.
