وقيعا • 10 اقپان، 2021

قىسىلتاياڭ شاقتا كورسەتىلگەن قولداۋ

5 رەت كورسەتىلدى

پاندەميا جاعدايىندا مەملەكەت 2020 جىلى ءتيىستى جەكە جانە زاڭدى تۇلعالارعا ناقتى كومەك كورسەتۋ ارقىلى ەكونوميكا مەن الەۋمەتتىك سالانى تۇراقتاندىرۋعا باعىتتالعان بىرقاتار شارا قابىلدادى. بۇل تۋرالى ساياساتتانۋشى اندرەي چەبوتارەۆ ءوزىنىڭ «قازاقستان-2020: كوروناداعدارىسپەن كۇرەس جانە جاڭا رەفورمالار» اتتى ساراپتامالىق بايانداماسىندا اتاپ ءوتتى.

بۇل جاعدايدا شەكتەۋ شارا­لا­رىنىڭ ەنگىزىلۋىنە بايلانىس­تى تابىسىنان ايىرىلعان ازا­مات­تار­عا، سونداي-اق ءوزىن ءوزى جۇ­مىس­پەن قامتىعاندارعا نەمەسە بەيرەسمي جۇمىس ىستەي­تىن­د­ەرگە 1 ەتج (42 500 تەڭگە) مولشەرىندە اي سايىنعى تولەمدەر بەرۋ ءبىرىن­شى كەزەكتەگى شارا بولدى. ءتيىستى وتىنىمدەردى بەرۋ ءۇشىن ەgov.kz پورتالى، سونداي-اق ارنايى قۇرىلعان «42500.enbek.kz» پورتالى قولدانىلدى. قا­راس­تىرىلىپ وتىرعان قار­جى­لىق كومەكتى كورسەتۋ ءۇشىن مەم­لە­كەت­تىك الەۋمەتتىك ساقتان­دى­رۋ قورىنان 476 ملرد تەڭگە ءبولىندى. تولەمدەر 2020 جىلدىڭ ءساۋىر-مامىر جانە شىلدە ايلارىندا توتەنشە جاعداي كەزىندە جانە ودان كەيىنگى شەكتەۋ شارالارى كەزىندە بەرىلدى. بۇل كومەكتى بارلىعى 4،6 ملن ادام الدى.

قاراستىرىلىپ وتىرعان پرو­­تسەسكە ءتۇرلى مەملەكەتتىك ەمەس قۇرىلىمدار دا ءوز ۇلەس­تە­رىن قوستى. تۇڭعىش پرە­زيدەنت – ەل­باسى نۇرسۇلتان نازار­باەۆ­­تىڭ باستاماسىمەن پاندە­ميا جاع­دايىندا حالىقتىڭ الەۋ­مەتتىك وسال توپتارىنا قا­يى­رىمدىلىق كو­مەك كورسەتۋ ءۇشىن قۇرىلعان «Birgemiz» قو­عامدىق قورىن ەرەكشە اتاپ وتكەن ءجون. قورعا 2020 جىلدىڭ قازان ايىنىڭ ورتاسىنا قاراي سوماسى شامامەن 34 ملرد تەڭگە­نى قۇراعان قايىرىمدىلىق تۇ­رىن­دەگى اقشالاي قاراجاتتى وتاندىق بيز­نەسمەندەر مەن مەتسەناتتار ۇسىندى. وسى قوردان 50 مىڭ تەڭگە مولشەرىندە بىرجولعى تولەم تۇرىندە قارجىلىق كومەك 2،2 ملن قازاقستاندىققا نەمەسە 650 مىڭنان استام وتباسىنا بەرىلدى. سونداي-اق 320 مىڭ وتباسىنا ازىق-ت ۇلىك سەبەتتەرى مەن ءبىرىنشى كەزەكتە قاجەتتى تاۋارلار، تاعى 100 مىڭىنا 5 ملن مەديتسينالىق ماسكا بەرىلدى.

توتەنشە جاعداي رەجىمى مەن كا­رانتيندىك شەكتەۋ شارا­لا­رى­­نىڭ ەنگىزىلۋىنە بايلانىستى تۇ­راقتى اتاۋلى الەۋمەتتىك كومەك الۋ­شى­لارعا ونى تاعايىنداۋ ۋاكى­لەتتى مەم­لەكەتتىك ورگان­دار­عا جۇگىنبەي-اق جىل بويى ۇزارتىلدى. اتاپ ايتقاندا، 2020 جىلعى ءتورتىنشى توقساندا بۇل شارا 130 مىڭ وتبا­سىنىڭ 650 مىڭنان استام ازاماتىنا قاتىستى بولدى. وتكەن جىلدىڭ 1 جەلتوقسانىنداعى جاع­داي بويىنشا 168،6 مىڭ وتباسىدان 858 مىڭنان استام ادامعا 58،3 ملرد تەڭگە سوماسىندا ااك تو­لەندى. سونىمەن قاتار بىلتىر جەلتوقسان ايىنىڭ ورتاسىنا قاراي 92،4 مىڭ ادام جۇ­مى­سى­نان ايىرىلۋىنا بايلانىس­تى مەملەكەتتىك الەۋمەتتىك ساق­تان­دىرۋ قورىنان الەۋمەتتىك تولەمدەر الدى.

 

سوڭعى جاڭالىقتار

مۋتاتسيالانعان ۆيرۋس

مەديتسينا • بۇگىن، 22:15

جىراۋلىق ونەردىڭ جاناشىرلارى

رۋحانيات • بۇگىن، 21:56

Big Tech كومپانيالارىنىڭ قارجىلىق ماسەلەسى

باعدارلامالار • بۇگىن، 21:30

ۇستازى جاقسىنىڭ ۇستامى جاقسى

رۋحانيات • بۇگىن، 18:30

بالقاشتا قار جاۋىپ جاتىر

اۋا رايى • بۇگىن، 15:48

ۇقساس جاڭالىقتار