ەكونوميكا • 09 اقپان، 2021

اسەت ەرعاليەۆ ۇكىمەتتە داعدارىسقا قارسى بيزنەستى قولداۋ شارالارىنىڭ جاڭا پاكەتىن ۇسىندى

30 رەت كورسەتىلدى

بۇگىن قازاقستان رەسپۋبليكاسىنىڭ پرەمەر-ءمينيسترى اسقار ءماميننىڭ توراعالىعىمەن وتكىزىلگەن كاسىپكەرلىك ماسەلەلەرى جونىندەگى جوبالىق كەڭسەنىڭ وتىرىسى بارىسىندا ۇلتتىق ەكونوميكا ءمينيسترى اسەت ەرعاليەۆ 2020 جىلى داعدارىسقا قارسى حالىق پەن بيزنەستى قولداۋ شارالارى تۋرالى بايانداپ، سونداي-اق بيزنەستى قولداۋ قۇرالدارىنىڭ جاڭا پاكەتىن تانىستىردى.

مينيستر اڭگىمە حالىق پەن بيزنەستى قولداۋ، الەۋمەتتىك-ەكونوميكالىق تۇراقتىلىقتى ساقتاۋ جونىندەگى جەدەل شارالاردان تۇراتىن داعدارىسقا قارسى شارالاردىڭ ءۇش پاكەتى مەن ەكونوميكالىق ءوسۋدى قالپىنا كەلتىرۋ جونىندەگى كەشەندى جوسپار تۋرالى بولىپ وتىرعانىن اتاپ كورسەتتى.

بيزنەستى قولداۋ ماقساتىندا زارداپ شەككەن سالالار ءۇشىن سالىقتىق ىنتالاندىرۋلار كورسەتىلدى، شوب-قا جەڭىلدىكپەن كرەديت بەرۋ كەڭەيتىلدى، اينالىم كاپيتالىن قارجىلاندىرۋ ۇلعايتىلدى. بۇدان باسقا، جەڭىلدىكتى شارتتارمەن كرەديتتەر قايتا قارجىلاندىرىلدى جانە ولار بويىنشا تولەمدەر كەيىنگە قالدىرىلدى. ناتيجەسىندە 700 مىڭ كاسىپكەر سالىق جەڭىلدىكتەرىن الدى، زارداپ شەككەن سالالارداعى قارىز الۋشىلاردىڭ 80% - ءىنىڭ كرەديتى كەيىنگە قالدىرىلدى، 40 مىڭ كاسىپكەر جوبالىق قارجىلاندىرۋدى پايدالاندى.

ءمينيستردىڭ ايتۋىنشا، اتالعان شارالار پاكەتى شەڭبەرىندە بيزنەستى قولداۋ ماقساتىندا زارداپ شەككەن سالالار ءۇشىن سالىقتىق ىنتالاندىرۋ شارالارى كورسەتىلگەن. شوب-تى جەڭىلدىكتى كرەديتتەۋ ايتارلىقتاي كەڭەيتىلدى. اينالىم كاپيتالىن قارجىلاندىرۋ ۇلعايتىلدى. كرەديتتەردى جەڭىلدىكتى شارتتارمەن قايتا قارجىلاندىرۋ، سونداي-اق كرەديتتەر بويىنشا كەيىنگە قالدىرۋ ۇسىنىلدى. ناتيجەسىندە 700 مىڭ كاسىپكەر سالىق جەڭىلدىگىن الدى. زارداپ شەككەن سالاداعى قارىز الۋشىلاردىڭ 80% - ءىنىڭ كرەديتى كەيىنگە قالدىرىلدى. كاسىپكەرلەردىڭ 40 مىڭعا جۋىق جوباسى قارجىلاندىرىلدى.

2020 جىلى بيزنەستى قولداۋ باعدارلاماسىنا كرەديت بەرۋ قۇرالدارى مەن قارجىلاندىرۋدىڭ قولجەتىمدىلىگىن كەڭەيتۋگە مۇمكىندىك بەرەتىن وزگەرىستەر ەنگىزىلگەنىن اتاپ وتكەن ءجون. ماسەلەن، «بيزنەستىڭ جول كارتاسى» جانە «قاراپايىم زاتتار ەكونوميكاسى» باعدارلامالارى بويىنشا پروتسەنتتىك مولشەرلەمە 6% دەڭگەيىندە بىرىزدەندىرىلگەن.

ۇەم باسشىسى 2020 جىلعى 1 قاڭتاردان باستاپ ميكرو جانە شاعىن بيزنەسكە قاتىستى تەكسەرۋلەرگە ءۇش جىلدىق موراتوري قولدانىلاتىنىن ەسكە سالدى.  موراتوري ءۇش جىل ىشىندە 100 مىڭ تەكسەرۋدىڭ كۇشىن جويۋعا مۇمكىندىك بەرەدى. بۇل اكىمشىلىك جۇكتەمەنى ازايتادى جانە بيزنەستى ەنگىزۋدىڭ تۇراقتىلىعىنا ىقپال ەتەدى.

«زارداپ شەككەن بيزنەس سۋبەكتىلەرى ءۇشىن 8% مولشەرلەمەمەن اينالىم قاراجاتىن ۇسىنۋ بويىنشا ۇلتتىق بانككە جەڭىلدىكپەن كرەديت بەرۋدىڭ جاڭا باعدارلاماسى ىسكە قوسىلدى، «بيزنەستىڭ جول كارتاسى» باعدارلاماسى بويىنشا سالالىق شەكتەۋلەر الىنىپ تاستالدى»، – دەپ اتاپ ءوتتى ءا.ەرعاليەۆ.

سونىمەن قاتار، «بيزنەستىڭ جول كارتاسى-2025» اياسىندا «بيزنەستى ميكروكرەديتتەۋ» جاڭا باعىتى ەنگىزىلدى. سوڭعى قارىز الۋشىعا مولشەرلەمە 6% - ءتى قۇرايدى. اينالىم قاراجاتىن تولىقتىرۋعا بەرىلەتىن ميكروكرەديتتىڭ ماكسيمالدى سوماسى – 5 ملن تەڭگە، وندىرىستىك قاجەتتىلىكتەرگە - 20 ملن تەڭگە. بۇل رەتتە مەملەكەت تاراپىنان نەگىزگى بورىشتىڭ 85% - ىنە دەيىن كەپىلدىك بەرىلەدى، سونداي-اق ميكرو جانە شاعىن بيزنەس جوبالارى جەدەل قارالادى.

اسەت ەرعاليەۆ حابارلاعانداي، رەفورمالار جونىندەگى جوعارى كەڭەستە بيزنەستى قولداۋعا باعىتتالعان 8 جەدەل جاڭا شارا ازىرلەنىپ، قارالدى.

ءبىرىنشى. ەڭبەكاقى تولەۋ قورىنا جۇكتەمەنى ازايتۋ جانە بىرىڭعاي تولەممەن تولەۋ.

ەكىنشى. وڭدەۋشى ونەركاسىپتىڭ جاڭا كاسىپورىندارىنىڭ قالىپتاسۋى مەن دامۋىن قولداۋ ءۇشىن ولار ءۇشىن ققس-تى 70% - كە ازايتۋ (كاسىپورىن قۇرىلعان ساتتەن باستاپ 2 جىلعا) ماسەلەسىن قاراۋ ۇسىنىلادى.

ءۇشىنشى. كاسىپورىنداردى دامىتۋ جانە قولداۋ ءۇشىن ءوندىرىستى دامىتۋعا قايتا ينۆەستيتسيالاناتىن پايدانى كورپوراتيۆتىك تابىس سالىعىنان بوساتۋ ۇسىنىلادى.

ءتورتىنشى. ۇكىمەتتىڭ ينۆەستيتسيالىق كەلىسىمدەر جاساسۋى ءۇشىن قىزمەتتىڭ باسىم تۇرلەرىنىڭ تىزبەسىن كەڭەيتۋ.

بەسىنشى. تەگىن ءموبيلدى قوسىمشا ارقىلى جك-نى جەڭىلدەتىلگەن تىركەۋ.

التىنشى. اعىمداعى جىل ىشىندە بيزنەسكە قويىلاتىن بارلىق تالاپتاردىڭ ۇشتەن ءبىرىن قىسقارتۋ ۇسىنىلادى.

جەتىنشى. بيزنەستى قارجىلاندىرۋدىڭ قولجەتىمدىلىگىن ارتتىرۋ ماقساتىندا ميكروقارجى ۇيىمدارىن «بيزنەستىڭ جول كارتاسى-2025» سۋبسيديالاۋ باعدارلاماسىنا قوسۋ ۇسىنىلادى.

سەگىزىنشى. شوب-تا قوعامدىق تاماقتانۋ سالاسى ءۇشىن بولشەك سالىق رەجىمىن ەنگىزۋ ۇسىنىلادى.

«بۇل شارالاردى اعىمداعى جىلى ىسكە اسىرۋ جوسپارلانىپ وتىر. بۇل 2025 جىلعا قاراي 500 مىڭ ادامدى جالدامالى قىزمەتكەرلەردى رەسمي جۇمىسپەن قامتۋعا تارتۋدى، جىل سايىن وڭدەۋشى ونەركاسىپكە 15 پ.ت. ينۆەستيتسيالاردى ۇلعايتۋدى، كولەڭكەلى ەكونوميكانى تومەندەتۋ جونىندەگى جوسپاردى ىسكە اسىرۋدى ەسكەرە وتىرىپ، كولەڭكەلى ەكونوميكانى ءجىو - گە 15% - كە دەيىن تومەندەتۋدى، سونداي-اق ميكرو جانە شاعىن بيزنەس سۋبەكتىلەرىنىڭ 75% - ءى ءۇشىن ەڭبەكاقى تولەۋ قورىنا جۇكتەمەنى ازايتۋدى قامتاماسىز ەتۋگە مۇمكىندىك بەرەدى»، - دەدى ەكونوميكالىق ۆەدومستۆو باسشىسى.

سوڭعى جاڭالىقتار

ۇقساس جاڭالىقتار