قالا اكىمى مۇرات ايتەنوۆ بىرقاتار ءبىلىم بەرۋ نىساندارىنىڭ قۇرىلىس بارىسىن ارالاپ كوردى. مۇرات دۇيسەنبەك ۇلى الدىمەن قاراتاۋ اۋدانى سايرام تۇرعىن الابىندا ورنالاسقان باستاۋىش 10 سىنىپقا ارنالعان, 120 ورىندىق قوسىمشا قۇرىلىستىڭ بارىسىمەن تانىستى.
جوبانىڭ قۇنى – 936,1 ملن تەڭگە. باس مەردىگەر «ارت – قۇرىلىس» جشس وتكەن جىلى 330,0 ملن تەڭگەنى يگەرگەن. قۇرىلىس 2020 جىلى ناۋرىز ايىندا باستالعان بولاتىن. 2021 جىلعا قارالعان قارجى – 606,1 ملن تەڭگە. مەردىگەر كومپانيا قۇرىلىستى بيىل شىلدە ايىندا اياقتاۋدى جوسپارلاۋدا. بۇگىندە جەر جۇمىستارى, بەتون استى تابانى, ىرگە تاس, سىرتقى ينجەنەرلىك جەلىلەر, ت.ب., جۇمىستار 100 پايىز ورىندالدى.
– قۇرىلىستى ساپالى جۇرگىزۋدە حالىقارالىق ستاندارتتاردى ۇيرەنۋ – زامان تالابى. مەكتەپ اۋلاسىن تولىق اسفالتتاۋ, گازون, تاس توسەنىش توسەۋ جانە سپورت زالدىڭ جەلدەتۋ جۇيەسىنە اسا كوڭىل ءبولۋ قاجەت. قۇرىلىس الاڭىنا كىرىپ-شىعىپ جۇرگەن تەحنيكالاردىڭ تازالىعىنا ءمان بەرۋ كەرەك, دەدى قالا اكىمى.
سونداي-اق, قالا اكىمى قۇرىلىستى ارالاۋ بارىسىندا جەرگىلىكتى تۇرعىندارمەن كەزدەسىپ, مەردىگەردىڭ جۇمىستى ساپالى اتقارۋىن بىرلەسە باقىلاۋعا شاقىردى.
