ەكونوميكا • 09 اقپان، 2021

سالىق، بيزنەس سالاسىن قانداي جاڭاشىلدىقتار كۇتىپ تۇر؟

69 رەت كورسەتىلدى

بۇگىن، 9 اقپان كۇنى وتكەن ۇكىمەت وتىرىسىندا اسقار مامين ەلدەگى 700 مىڭنان استام بيزنەس سۋبەكتىسىنىڭ سالىقتىق جەڭىلدىكتەر العانىن ايتتى. وتىرىستا نەگىزىنەن. سالىقتىق جانە كەدەندىك اكىمشىلەندىرۋ ماسەلەلەرى قارالدى، دەپ حابارلايدى Egemen.kz kursiv.kz سايتىنا سىلتەمە جاساپ.

قازىرگى كەزدە ميكرو جانە شاعىن بيزنەس سۋبەكتىلەرىن تەكسەرۋگە 3 جىلدىق موراتوري جالعاسىپ جاتىر (2023 جىلعى 1 قاڭتارعا دەيىن) جانە ارنايى سالىق رەجيمدەرىن قولداناتىن شوب سۋبەكتىلەرى تابىس سالىعىنان بوساتىلدى. بۇل شارالار كاسىپكەرلەرگە 3 جىل ىشىندە ءوز بيزنەسىن كەڭەيتىپ، دامىتۋعا شامامەن 400 ملرد تەڭگە جۇمساۋعا مۇمكىندىك بەرمەك. سونداي-اق مەملەكەت باسشىسىنىڭ تاپسىرماسىمەن 1 قاڭتاردان باستاپ ەرىكتى تۇردە قولدانىلاتىن بولشەك سالىقتىڭ جاڭا ارنايى سالىق رەجيمى ەنگىزىلدى. سالىق مولشەرلەمەسى الىنعان كىرىستىڭ 3% كولەمىندە بەلگىلەنگەن. 

ۇكىمەت باسشىسى قارجى مينيسترلىگىنە تسيفرلىق دامۋ مينيسترلىگىمەن بىرلەسىپ، سالىقتىق اكىمشىلەندىرۋدىڭ اقپاراتتىق جۇيەلەرىن جاڭعىرتۋ جانە ولاردى باسقا مەملەكەتتىك ورگاندارمەن زاماناۋي ادىستەردى، سونىڭ ىشىندە بلوكچەين مەن ۇلكەن دەرەكتەردى قولدانا وتىرىپ ينتەگراتسيالاۋ جونىندە پارمەندى شارالار قابىلداۋدى تاپسىردى. 

«سالىق تولەۋشىلەر مەن بيزنەسكە ىڭعايلى بولۋ ءۇشىن ازىرلەنگەن «ە-Salyq Azamat» (سالىق ءاميانى) جانە «E-Salyq Business» تەگىن ءموبيلدى قوسىمشالارىن بەلسەندى تۇردە ىلگەرىلەتۋ كەرەك. مەملەكەت باسشىسىنىڭ تاپسىرماسى اياسىندا قارجى مينيسترلىگىنە جەكە كاسىپكەرلەر ءۇشىن ونلاين-بكم مەن POS-تەرمينالداردى پايدالانۋ كەزىندە ەسەپتىلىكتى اۆتوماتتى تۇردە تولتىرۋ ماسەلەسىن ساپالى تۇردە پىسىقتاۋ قاجەت» مامين. 

سونداي-اق قارجى مينيسترلىگىنە 1 ناۋرىزعا دەيىن سالىق زاڭناماسىنا قاجەتتى تۇزەتۋلەر ەنگىزۋ دە تاپسىرىلدى. 

«ۇسىنىلىپ وتىرعان وزگەرىستەر 500 مىڭعا جۋىق جالدامالى قىزمەتكەردى رەسمي جۇمىسقا تارتۋعا، ەڭبەكاقى تولەۋ قورىنا جۇكتەمەنى ازايتۋعا، سالىق مىندەتتەمەلەرىن ورىنداۋ ءتارتىبىن جەڭىلدەتۋگە جانە رەسپۋبليكا ەكونوميكاسىنا جاڭا ينۆەستيتسيالار تارتۋعا مۇمكىندىك بەرەدى» مامين.  

ءوز كەزەگىندە قارجى ءمينيسترى ەرۇلان جاماۋباەۆ جەكە كاسىپكەرلىكتى تىركەۋ جانە جابۋ جۇمىسىنىڭ جەڭىلدەيتىنىن مالىمدەدى. 

«مەنشىككە سالىق تولەمىن جۇزەگە اسىرۋ ءۇشىن سالىق تولەۋشىلەر «ە-Salyq Azamat» ءموبيلدى قوسىمشاسىن پايدالانا الادى. قوسىمشا رەكۆيزيتتەردى تولتىرماي-اق سالىق تولەۋگە، ونلاين تولتىرۋ جاساۋعا، ارتىق تولەمدەردى باسقارۋعا جانە 2 مينۋت ىشىندە اۆتو ەسەپتەۋ جاساۋعا مۇمكىندىك بەرەدى. سونداي-اق سالىق ەسەبىن ۇسىنۋ، جەكە كاسىپكەرلىكتى تىركەۋ جانە جابۋدى جەڭىلدەتۋ، فيسكالدى دەرەكتەر وپەراتورى قىزمەتىنىڭ تولەمى مەن كوميسسياسىن الىپ تاستاۋ قاراستىرىلادى» دەدى قارجى ءمينيسترى. 

مينيستر وتكەن وتىرىستا پرەزيدەنت سالىقتىق اكىمشىلەندىرۋدى جەڭىلدەتۋ جانە جۇمسارتۋ بويىنشا تاپسىرما بەرگەنىن، اتالعان تاپسىرمانى ورىنداۋ ماقساتىندا 2021 جىلدان باستاپ جەكە تۇلعالاردىڭ م ۇلىك جانە جەر سالىعى بىرىگەتىنىن، ەكى سالىق بۇدان بىلاي ءبىر تولەممەن جۇزەگە اساتىنىن ايتتى. سونىمەن قاتار كوپقاباتتى ۇيدە تۇراتىن ازاماتتار ءۇشىن جەر سالىعى الىنىپ تاستالادى. 

ال ەل بيۋدجەتى 65 ملرد تەڭگەگە تولىققان. بۇل تۋرالى ۇكىمەت وتىرىسىندا پرەمەر-ءمينيستردىڭ ورىنباسارى ءاليحان سمايىلوۆ ايتتى. 

«قارجى مينيسترلىگى كاسىپكەرلەردىڭ بانك ارقىلى جاساعان اقشا اۋدارىمدارىنىڭ فيسكاليزاتسياسىنا ەرەكشە نازار اۋدارۋى كەرەك. جالپى، وسى باعىتتاعى مەملەكەتتىك ورگاندار قارقىندى جۇمىستى جالعاستىرعانى دۇرىس. كۇردەلى ەكونوميكالىق احۋالعا قاراماستان بىلتىر مەملەكەتتىك بيۋدجەت كىرىسى ءتيىستى كولەمدە ساقتالدى. رەسپۋبليكالىق بيۋدجەتتىڭ كەيبىر تۇسىمدەرىنىڭ تومەندەۋى جەرگىلىكتى بيۋدجەت ەسەبىنەن تولىقتى، ناتيجەسىندە مەملەكەتتىك بيۋدجەت 65 ملرد تەڭگەگە ۇلعايدى» دەدى ۇكىمەت باسشىسىنىڭ ورىنباسارى. 

سمايىلوۆ بيۋدجەت تابىسىن ۇلعايتۋ باسىم باعىت بولىپ قالا بەرەتىنىن، تابىستىڭ وسۋىنە كولەڭكەلى ەكونوميكامەن كۇرەستىڭ ماڭىزدى ءرول اتقاراتىنىن دا ەسكە سالدى. وسى ماقساتتا تاۋارلاردى قاداعالاۋدىڭ ۇلتتىق جۇيەسى قۇرىلدى. 

«تاۋەكەلدەردى باسقارۋ جۇيەسى، ەلەكتروندى شوت-فاكتۋرالار، استانا-1 سياقتى اقپاراتتىق جۇيەلەر ەنگىزىلدى. تەك سوڭعى ءۇش جىلدا جوعارىدا اتالعان شارالار بيۋدجەتكە 2 ترلن تەڭگەدەن استام قوسىمشا كىرىستەر الۋعا مۇمكىندىك بەرگەنىن ايتا كەتۋ كەرەك.وسىعان بايلانىستى بۇل باعىتتاعى جۇمىستى كۇشەيتۋ قاجەت» دەپ قورىتىندىلادى ءاليحان سمايىلوۆ. 

ەرۇلان جاماۋباەۆتىڭ ايتۋىنشا، پاندەميا بيۋدجەت تابىسىنا كەرى اسەرىن تيگىزبەگەن. 
«مەملەكەتتىك بيۋدجەت تابىسى جونىندەگى جوسپار 102،7 پايىزعا، رەسپۋبليكالىق بيۋدجەت 100،3 پايىزعا، جەرگىلىكتى بيۋدجەت 108 پايىزعا ورىندالدى. رەسپۋبليكالىق بيۋدجەت ءتۇسىمى 562 ملرد تەڭگەگە تومەندەدى، ال جەرگىلىكتى بيۋدجەت 627 ملرد تەڭگەگە ءوستى. رەسپۋبليكالىق بيۋدجەت ءتۇسىمىنىڭ ازايۋىنا ەكونوميكالىق قۇلدىراۋ، شەكتەۋ شارالارى اسەر ەتتى» دەدى جاماۋباەۆ. 

سالىق بويىنشا دا بىرقاتار وزگەرىستەر ورىن العان. ىشكى ءوندىرىس تاۋارلارىنا سالىناتىن قوسىمشا قۇن سالىعى 11 پايىزعا تومەندەگەن. بۇل رەتتە ۇجىمدىق تابىس سالىعى 3،5 پايىزعا، ەاەو-دان كەلەتىن تاۋارلارعا قوسىمشا قۇن سالىعى 1،8 پايىزعا، ەڭبەكاقى قورى سالىعى 5،3 پايىزعا كوبەيگەن. 

ەكونوميكا سالالارى – تاۋ-كەن ونەركاسىبىندە 43 پايىزعا ءتۇسىم ازايعان. بۇل ءبىرىنشى كەزەكتە مۇناي مەن مەتالل باعاسىنىڭ تومەندەۋىمەن بايلانىستى. دەگەنمەن ترانسپورت (10 پايىز)، وڭدەۋشى ونەركاسىپ (9)، قۇرىلىس (2،2)، ساۋدا (1،4) سەكتورلارىندا اجەپتاۋىر ءوسىم بايقالعان.

سوڭعى جاڭالىقتار

15169 ادام كوروناۆيرۋس جۇقتىردى

كوروناۆيرۋس • كەشە

ۇقساس جاڭالىقتار