ونلاين ءدارىستىڭ نەگىزى رەتىندە ادىلەتتىلىك پەن ادالدىققا, پاتريوتيزمگە جانە ەلگە دەگەن قۇرمەتتەن ورنەكتەلگەن ۇلى اقىننىڭ شىعارمالارى الىندى. بۇگىن جىر مۇزبالاعى, اقيىق اقىن مۇقاعالي ماقاتاەۆتىڭ تۋعانىنا 90 جىل (1931–1976) تولدى.
ماقاتاەۆتىڭ شىعارماشىلىعى قازاق پوەزياسىنىڭ التىن قورى بولىپ تابىلادى. حح عاسىردىڭ ءبىرىنشى جارتىسىندا دۇنيەگە كەلگەن, رۋحى مەن بار بىتىمىمەن حالىقتىڭ قاينار كوزىن سىڭىرگەن دارىن ءوز حالقىنىڭ ەڭ سۇيىكتى اقىنى بولدى.
اقىننىڭ ءوزى ايتقانداي «پوەزيا – ماحابباتتان باستالىپ, پاراساتپەن اياقتالۋى ءتيىس», وسىلايشا, ول ادامداردى ادال, مەيىرىمدى بولۋعا, جاس ۇرپاقتى وتانعا دەگەن سۇيىسپەنشىلىكتە تاربيەلەۋگە, تۋعان جەرى مەن انا ءتىلىن قاستەرلەۋگە, ۇلكەندەردى قۇرمەتتەپ, بەيبىت ۋاقىتتىڭ ءار ءساتىن باعالاۋعا شاقىردى.
ونلاين-ءدارىس بارىسىندا جاستار اقىننىڭ پاتريوتتىق ولەڭدەرىمەن تانىستى.
اقىن شىعارماشىلىعىندا وتان مەن تۋعان تابيعات تاقىرىبى ماڭىزدى ورىن الادى. ءوز شىعارمالارىندا ول ادام وتانسىز ءومىر سۇرە المايتىنىن ايتتى. وتانسىز ادامدى ورمانسىز قۇسقا تەڭەدى.
«ادالدىق ساعاتىندا» مۇقاعالي اقىننىڭ ولەڭدەرى مەن شىعارماشىلىعى ارقىلى پاتريوتيزم مەن جەكە باستىڭ قادىر-قاسيەتى تۋرالى ويلار ايتىلدى.
بۇل ويلاردى ساناعا ءسىڭىرىپ وسكەن كەز-كەلگەن جاس بولاشاقتا ادالدىق پەن ادىلەتتىلىك جولىمەن جۇرەتىنىنە كۇمان جوق.
مۇقاعالي ماقاتاەۆ قازىرگى قازاق پوەزياسىن جاڭا كوركەمدىك دەڭگەيگە كوتەردى. ونىڭ شىعارماشىلىعى يدەولوگيالىق جانە ساياسي كورىنىستەردەن ادا, ناعىز ليريكاعا تولى.
اقىننىڭ شىعارمالارىن زەرتتەي وتىرىپ, ءبىز وتاندى سۇيۋگە جانە قورعاۋعا, تابيعاتتى ايالاۋعا, ادامداردى سۇيۋگە, انالارىمىز بەن جاقىندارىمىزدى باعالاۋدى ۇيرەنەمىز.
