جيىنعا اتىراۋ قالاسى مەن اۋداندار اكىمدەرىنىڭ ورىنباسارلارى قاتىستى. باقىتگۇل حامەنوۆانىڭ ايتۋىنشا, وڭىردە بيىلدان باستاپ وبلىستىق ءبىلىم باسقارماسى مەن ءبىلىم بولىمدەرى وبلىستىق بيۋدجەتتەن قارجىلاندىرىلادى.
«كەيبىر بالاباقشالار مەن قوسىمشا ءبىلىم بەرۋ مەكەمەلەرىنەن باسقاسى ءتيىستى ەڭبەكاقىسىن الدى. قازىر وبلىستا 149 بالاباقشا بار. ونىڭ ىشىندە مەكتەپكە دەيىنگى 117 مەكەمەنىڭ قىزمەتكەرلەرىنە قۇجاتتاردىڭ كەشەۋىلدەۋىنەن جالاقى كەشىكتىرىلدى. سونداي-اق, 17 قوسىمشا ءبىلىم بەرۋ ۇيىمىنىڭ ىشىنەن 4 مەكەمەنىڭ قىزمەتكەرلەرىنە ەڭبەكاقى تولەندى» دەدى وبلىستىق ءبىلىم باسقارماسى باسشىسىنىڭ ورىنباسارى تولعاناي كولباەۆا.
وبلىس اكىمىنىڭ ورىنباسارى باقىتگۇل حامەنوۆا وسىعان بايلانىستى ءتيىستى باسشىلارعا ءبىلىم بەرۋ مەكەمەلەرىندەگى ەڭبەكاقىنىڭ كەشىكتىرىلۋ سەبەبىن انىقتاۋدى, ماسەلەنى جەدەل شەشۋدى تاپسىردى.
«مۇعالىم مەن دارىگەر قاي كەزدە دە قوعام دامۋىنىڭ جەتەكشى كۇشى سانالدى. ولاردىڭ ارتىندا ەڭبەكاقىعا قاراپ وتىرعان تۇتاس جانۇيا بار. وتباسى, ادام تاعدىرىن ويلاساق, جالاقىنى كەشىكتىرۋ, بەرمەۋ دەگەن ماسەلە تۋىنداماۋى كەرەك. سوندىقتان, اتالعان ءبىلىم بەرۋ ۇيىمدارى قىزمەتكەرلەرىنىڭ ەڭبەكاقىسىن كەشىكتىرمەي, اقپان ايىنىڭ 10-ىنا دەيىن بەرۋ كەرەك. بۇدان بىلاي اقپان, ناۋرىز ايلارىنىڭ ەڭبەكاقىسى ءار ايدىڭ 25-ىندە ۋاقىتىلى تولەنىپ وتىرادى. ونى ءوزىم قاداعالايتىن بولامىن» دەدى باقىتگۇل حامەنوۆا.
